இந்தியாவிலிருந்து புலம்பெயர்ந்த தொழிலாளி ஒருவர், 2021 ஆம் ஆண்டு, நிரம்பிய லாரியின் பின்புறத்தில் இருந்து தவறி விழுந்ததால், சிங்கப்பூரில் தனது முதலாளிகள் மீது அலட்சியமாக இருந்த காரணத்தின் பேரில்  வழக்குத் தொடர்ந்தார். 

 

 

ஞாயிற்றுக்கிழமை (ஆகஸ்ட் 27) CNN இன் அறிக்கையின்படி, 37 வயதான ராமலிங்கம் முருகனின் வழக்கறிஞர் முகமது அஷ்ரப் சையத் இந்த விபத்து தனக்கு மிகுந்த வேதனையை அளித்ததாக கூறினார். "அதிக நெரிசல் மிக்க லாரியில் இருந்து கீழே இறங்கியதில் அவர் காயம் அடைந்தார். ஆனால் இது போன்ற நிறுவங்கள் குறிப்பாக கனரக கட்டுமானத்தில் ஈடுபட்டுள்ள நிறுவனங்கள், இடர் மதிப்பீடுகளை சாதாரணமாக எடுத்துக்கொள்வது சரி அல்ல," என்று அவர் மேலும் கூறினார்.

 

கடந்த ஜனவரி 3, 2021 அன்று, சிங்கப்பூருக்கு இடம் பெயர்ந்து பணியாற்றும் தமிழ்நாட்டைச் சேர்ந்த முருகன் என்பவர், மற்ற 24 தொழிலாளர்களுடன் தனது தங்குமிடத்திலிருந்து வேலை செய்யும் இடத்திற்கு லாரியின் பின்புறத்தில் சென்று கொண்டிருந்தார். மழையிலிருந்து தஞ்சம் அடையும் அவசரத்தில் இருந்த மற்றொரு தொழிலாளி அவரை தள்ளினார், இதனால் அவர் சமநிலையை இழந்து தரையில் விழுந்ததாக முருகன் தெரிவித்துள்ளார்.

 

எலும்பு முறிவு

 

வலது முழங்காலில் வலி குறையாததால் அவர் மருத்துவமனைக்கு கொண்டு செல்லப்பட்டார். அப்போது அவருக்கு வலது காலில் எலும்பு முறிவு ஏற்பட்டது தெரியவந்தது. எலும்பு முறிவுக்கு அறுவை சிகிச்சை செய்து, ஐந்து மாதங்கள் மருத்துவ விடுப்பில் இருந்தார்.

 

இதனை அடுத்து தனக்கும் மற்ற தொழிலாளர்களுக்கும் பாதுகாப்பான போக்குவரத்து முறையை நிறுவனமோ அல்லது செயல்படுத்த தனது முதலாளிகள் தவறிவிட்டனர் என்றும், சாத்தியமான அபாயங்களைக் கண்டறிய இடர் மதிப்பீடுகளை மேற்கொள்ளவில்லை என்றும் முருகன் நிறுவனத்தின் மீது வழக்கு பதிவு செய்தார்.

 

அதோடு 1,00,000 சிங்கப்பூர் டாலர்களை ($73,500) நஷ்டஈடாக  கோரி 2022 இல் அவர் தனது முதலாளியான ரிகல் மரைன் சர்வீசஸுக்கு எதிராக வழக்குத் தொடர்ந்தார். விபத்தின் போது அவர் கடல் கப்பல் பழுது பார்க்கும் நிறுவனமான 'ரிகல் மரைன் சர்வீசஸ்' நிறுவனத்தில் கட்டமைப்பு எஃகு மற்றும் கப்பல் பணியாளராக பணிபுரிந்தார்.

 

இருப்பினும் நிறுவனம் இதற்கு  மறுப்பு தெரிவித்ததுடன், லாரியில் இருந்து கீழே இறங்கும் போது முருகன் தவறி விழுந்துவிட்டதாகக் கூறியது. கடந்த வியாழன் அன்று வழங்கப்பட்ட தீர்ப்பில், மாவட்ட நீதிபதி டான் மே டீ முருகனுக்கு ஆதரவாக தீர்ப்பளித்தார். மேலும்  நிறுவனத்தால் தெளிவான கடமை மீறல் இருப்பதாக நீதிபதி கூறினார், சரியான மேற்பார்வை மற்றும் சில ஒழுங்கு அல்லது ஒழுங்குமுறைகளை கடைபிடிக்காமல் இருப்பதையும் சுட்டிக்காட்டினார்.

 

 

உலகின் பணக்கார மற்றும் மிகவும் வளர்ந்த நாடுகளில் ஒன்றான சிங்கப்பூர், மோசமான வேலை நிலைமைகள் மற்றும் சாலை விபத்துகள் காரணமாக தொழிலாளர்கள் உயிரிழப்பதில் மோசமான பதிவுகள் உள்ளது. பொதுவாக நகரின் புறநகர்ப் பகுதியில் அமைந்துள்ள அவர்களது தங்குமிடங்களிலிருந்து, லாரிகளின் பின்புறம் உள்ள தொழிலாளர்களை அவர்களது பணியிடங்களுக்கு ஏற்றிச் செல்லும்போது விபத்துகள் பெரும்பாலும் நிகழ்கின்றன.

 

பயணிகள் இருக்கை அல்லது சீட் பெல்ட் இல்லாத அளவுக்கு அதிகமான லாரிகள் பல ஆண்டுகளாக சாலை விபத்துகள் மற்றும் உயிரிழப்புகளை ஏற்படுத்துகின்றன.ஏப்ரல் 2021 இல், 17 புலம்பெயர்ந்த தொழிலாளர்களை ஒரு பணியிடத்திற்கு ஏற்றிச் சென்ற லாரி, எக்ஸ்பிரஸ்வேயில் டிரக் மீது மோதியதில், ஒரு இந்திய நாட்டவர் உட்பட இருவர் உயிரிழந்தனர்.

 

 

ஜூலை மாதம், ஒரு பெரிய நெடுஞ்சாலையில் புலம்பெயர்ந்த தொழிலாளர்களை ஏற்றிச் சென்ற இரண்டு லாரிகள் மோதியதில் 26 ஆண்கள் காயமடைந்தனர். உலகின் பணக்கார மற்றும் மிகவும் வளர்ந்த நாடுகளில் ஒன்றான சிங்கப்பூர், பல தசாப்தங்களாக மலிவான வெளிநாட்டு தொழிலாளர்களால் பெரிதும் பயனடைகிறது.