அவுஸ்திரேலியா - மெல்பர்னில் தமது மனைவியை கொலை செய்த குற்றச்சாட்டில், இலங்கையர் ஒருவரை அந்த நாட்டு காவல்துறையினர் கைது செய்துள்ளனர்.

 

45 வயதுடைய சந்தேகநபர் ஒருவரே தமது மனைவியை கொலை செய்துள்ளதாக அவுஸ்திரேலிய ஊடகங்கள் தெரிவிக்கின்றன.

 

சம்பவத்தில் உயிரிழந்தவர் நெலோமி பெரேரா என்ற 44 வயதுடைய பெண் என தெரிவிக்கப்பட்டுள்ளது.

 

சந்தேகநபர் தமது மனைவியை கொலை செய்ய முற்பட்ட சந்தர்ப்பத்தில் அவர்களது மகள் அயல்வீடுகளுக்கு சென்று உதவிகோரும் காணொளி ஒன்றும் சமூகவலைத்தளங்களில் வெளியாகியுள்ளது.

 

கணவன் மற்றும் மனைவி இருவரும் நீண்ட காலமாக பிரிந்து வாழ்ந்த நிலையில் இந்த கொலைச் சம்பவம் இடம்பெற்றுள்ளது.

 

சம்பவத்தில் அவர்களது மகன் ஒருவருக்கும் காயம் ஏற்பட்டுள்ள நிலையில் அவர் வைத்தியசாலையில் அனுமதிக்கப்பட்டுள்ளதாக அவுஸ்திரேலிய ஊடகங்கள் குறிப்பிடுகின்றன.