சிறுமிகளை வேட்டையாடி வீடியோ எடுத்த வாலிபரை சக நண்பனே காட்டிக்கொடுத்துள்ளார்.

 

சிறுமி பலாத்காரம்

தருமபுரி மாவட்டம் பாப்பிரெட்டிப்பட்டி அருகே உள்ள விழுதுபட்டி கிராமத்தை சேர்ந்தவர் கோவிந்தராஜ் மகன். இவரது மகன் மனோஜ் (22). பட்டதாரி. கடந்த சில நாட்களுக்கு முன்பு மனோஜ் செல்போனை அவருடைய நண்பர் ஒருவர் வாங்கி ஆன்லைன் ரம்மி விளையாடிக் கொண்டிருந்தார்.

 

 

 

அப்போது செல்போனில் மனோஜ் சேமித்து வைத்திருந்த அதே பகுதியை சேர்ந்த சிறுமிகளின் ஆபாச வீடியோக்களை பார்த்துள்ளார். இதனால் அதிர்ச்சி அடைந்த அந்த நண்பர் இதுகுறித்து சிறுமிகளின் உறவினர்களிடம் தகவல் அளித்துள்ளார்.

 

இதனால் ஆத்திரம் அடைந்த பெற்றோர் மற்றும் உறவினர்கள் மனோஜின் செல்போனை பார்த்தபோது, 5 சிறுமிகளின் ஆபாச வீடியோக்கள் இருப்பதை பார்த்து அதிர்ச்சியில் உறைந்துள்ளனர்.

 

 

 

விசாரணையில் அந்த 5 சிறுமிகளில் ஒரு சிறுமியிடம் அத்துமீறி பாலியல் வன்புணர்வில் ஈடுபட்டதை ஒப்புக்கொண்டதாக கூறப்படுகிறது. இது தொடர்பாக பாப்பிரெட்டிப்பட்டி காவல் நிலையத்தில் புகார் அளித்துள்ளனர்.

 

 

 

ஆனால் பாப்பிரெட்டிப்பட்டி காவல் துறையினர் பெண் குழந்தைகள் மற்றும் பெண்கள் சம்பந்தப்பட்ட நிகழ்வு என்பதால் அரூர் அனைத்து மகளிர் காவல் நிலையத்திற்கு அனுப்பி வைத்தனர்.

 

இதுகுறித்து அரூர் அனைத்து மகளிர் காவல் நிலைய போலீசார் மேற்கொண்ட நடவடிக்கையில் பெண் குழந்தையை வன்புணர்வு செய்தது மருத்துவ பரிசோதனைக்கு பிறகு தெரிய வந்தது.

 

 

இதையடுத்து மனோஜ் மீது போக்சோ சட்டத்தின் கீழ் முதல் தகவல் அறிக்கை பதிவு செய்து கைது செய்தனர். இதன் பிறகு தருமபுரி மகிளா நீதிமன்றத்தில் ஆஜர் படுத்தப்பட்ட பிறகு மனோஜை சிறைச்சாலைக்கு அனுப்பி வைத்தனர்.

 

 

 

அந்த கிராமத்தை சேர்ந்த பாதிக்கப்பட்ட பெண் குழந்தைகளின் பெற்றோர்கள் மற்றும் குடும்ப பெண்கள் தற்போது வரை புகார்கள் அளிக்காத நிலையில் சிறையில் அடைக்கப்பட்ட மனோஜ் என்பவரை நீதிமன்ற காவலில் எடுத்து விசாரணை செய்து உரிய நடவடிக்கை எடுக்க வேண்டும் என்பதே அப்பகுதி கிராம மக்களின் முக்கிய கோரிக்கையாக உள்ளது.