இந்தியாவை சேர்ந்த தற்காப்பு கலை வல்லுநர்கள் ஒன்பது பேர் ஆணிப்படுக்கையில் ஒருவர் மீது ஒருவர் படுத்து கின்னஸ் சாதனை நிகழ்த்தியுள்ளனர்.
இந்தியாவை சேர்ந்த 9 பேர் கொண்ட தற்காப்பு கலை வல்லுநர்கள் குழு அவ்வபோது பல்வேறு சாதனைகளை நிகழ்த்தி வருகின்றனர். அதன் ஒருபகுதியாக சூரத்தில் நடைபெற்ற கின்னஸ் உலக சாதனை நிகழ்ச்சியில் பங்கேற்ற தற்காப்பு கலைஞர்கள் 4 முதல் 6 அங்குலம் கொண்ட ஆணிப்படுக்கையில் ஒருவர் மீது ஒருவர் படுத்து சாதனை நிகழ்த்தினர்.
பார்வையாளர்கள் முன்னிலையில் நடத்தப்பட்ட இந்த சாதனை கின்னஸ் புத்தகத்தில் இடம்பெற்றதுடன், இதற்கு முன்பாக 8 பேர் சேர்ந்து நிகழ்த்திய தங்களது சாதனையை தாங்களே முறியடித்துள்ளனர். மேலும், இந்தக் குழுவில் இடம்பெற்ற Kharadi என்பவர் தொடர்ச்சியாக பல இரும்பு கம்பிகளை தனது பின்கழுத்து பகுதியில் வைத்து வளைத்து மற்றொரு சாதனையை நிகழ்த்தியுள்ளார்.