திருவண்ணாமலை, ஆரணி அருகே தகாத உறவால் கட்டிட பெண் தொழிலாளியை, கொலை செய்ததாக மேஸ்திரியை போலீசார் கைது செய்தனர்.
வெலுக்கனந்தலை சேர்ந்த கட்டிட பெண் தொழிலாளி விஜயா, கடந்த 30ஆம் தேதி கேளூர் குண்டுமேடு மலை அடிவாரத்தில் முட்புதருக்குள் தலையில் பலத்த காயங்களுடன் சடலமாக கிடந்ததுள்ளார்.
இதனையடுத்து விஜயாவுடன் வேலை செய்து வந்தவர்களிடம் போலீசார் விசாரணை நடத்தினர். அதில் மேஸ்திரி சுப்பிரமணியிடம் விசாரணை நடத்திய போது, விஜயாவுக்கும் தனக்கும் பல ஆண்டுகளாக கள்ள உறவு இருந்ததாகவும், விஜயாவின் மூத்த மகளை தனக்கு திருமணம் செய்து வைக்குமாறு தான் கேட்டதற்கு, முன்பு ஒப்புக்கொண்ட விஜயா பிறகு தனது மகளை வேறு ஒருவருக்கு திருமணம் செய்து வைத்ததால் ஆத்திரம் அடைந்து கொலை செய்து விட்டதாகவும் வாக்குமூலம் அளித்ததாக போலீசார் தெரிவித்துள்ளனர். அதன் அடிப்படையில் சுப்பிரமணியை போலீசார் கைது செய்தனர்.