சென்னை புழல் சிறையில் சேர்ந்த பெண் கைதிகள் இடையே மோதல் ஏற்பட்டது பரபரப்பை ஏற்படுத்தியது. இலங்கை - தென் ஆப்பிரிக்காவை சேர்ந்த பெண் கைதிகளுக்கு இடையே மோதல் ஏற்பட்டுள்ளது. உணவுக்காக வரிசையில் நிற்கும்போதே இருவருக்கும் சண்டை ஏற்பட்டதாக தெரிகிறது.

 

    

கைதிகளிடையே ஏற்பட்ட தகராறை தடுக்க பெண் காவலர் கோமளா சென்றிருக்கிறார். அப்போது அவரை தாக்கி கீழே தள்ளிவிட்டுள்ளனர் என தெரிகிறது, இதையடுத்து அவர் மயங்கினார்.

 

ஏற்கனவே இவருக்கு நெஞ்சுவலி ஏற்பட்டு பைபாஸ் சர்ஜரி செய்யப்பட்ட நிலையில் கோமளாவை அருகில் இருந்த பெண் காவலர்கள் மீட்டு சிறையில் உள்ள மருத்துவமனையில் முதல் உதவி சிகிச்சை அளித்து, 108 ஆம்புலன்ஸ் மூலம் சென்னை அரசு ஸ்டான்லி மருத்துவமனைக்கு சிகிச்சைக்காக அனுப்பி வைத்தனர்.

 

இது குறித்த புகாரின் பேரில் புழல் பொலிசார் விசாரணை செய்து வருகின்றனர்.