ஓடும் காரில் மாடல் அழகியை கூட்டு பாலியல் பலாத்காரம் செய்த கும்பல் 

 

கொச்சி இன்போபார்க் போலீசார் சம்பவ இடத்திற்கு விரைந்து வந்து விசாரணை நடத்தினர். மாடல் அழகி தனது

 

 3 நண்பர்கள் மற்றும் தோழி ஒருவருடன் நேற்று முன்தினம் இரவு மதுபாருக்கு சென்றுள்ளார். மேலும் படிக்க திருவனந்தபுரம்: கேரளாவில் கடந்த 2017-ம் ஆண்டு பிப்ரவரி மாதம் ஓடும் காரில் பிரபல நடிகையை கடத்தி சென்று ஒரு கும்பல் பாலியல் பலாத்காரம் செய்தனர். இந்த சம்பவத்தில் நடிகையை பலாத்காரம் செய்ததாக கூலிப்படையினர் கைது செய்யப்பட்டனர். மேலும் நடிகர் திலீப்பும் கைதானார். இந்த வழக்கு இன்னும் முடிவுக்கு வராத நிலையில் கொச்சி பகுதியில் 

 

5 ஆண்டுகளுக்கு பிறகு மீண்டும் அதே போன்ற சம்பவம் நடந்துள்ளது. அதன் விபரம் வருமாறு:- காசர்கோடு பகுதியை சேர்ந்த 19 வயது இளம்பெண் ஒருவர் கொச்சி, காக்கநாடு பகுதியில் தங்கி இருந்து மாடலிங் தொழிலில் ஈடுபட்டு வந்தார். நேற்று காலை இவர் தங்கியிருந்த வீட்டின் கதவு நீண்ட நேரமாக திறக்கப்படவில்லை. இதனால் சந்தேகம் அடைந்த அக்கம் பக்கத்தினர், வீட்டை திறந்து பார்த்த போது அந்த மாடல் அழகி, உடல் முழுவதும் காயங்களுடன் மயங்கி கிடந்தார். அதிர்ச்சி அடைந்த அக்கம் பக்கத்தினர், அவரை அருகில் உள்ள ஆஸ்பத்திரியில் சேர்த்தனர்.

 

 பின்னர் இதுபற்றி போலீசாருக்கும் தகவல் தெரிவித்தனர். கொச்சி இன்போபார்க் போலீசார் சம்பவ இடத்திற்கு விரைந்து வந்து விசாரணை நடத்தினர். இதில் மாடல் அழகி தனது 3 நண்பர்கள் மற்றும் தோழி ஒருவருடன் நேற்று முன்தினம் இரவு மதுபாருக்கு சென்றுள்ளார். அங்கு மது அருந்தி மயங்கி உள்ளார். உடனே மாடல் அழகியின் நண்பர்கள், அவரை தங்களின் காரில் ஏற்றி அழைத்து சென்றுள்ளனர்.

 

 வழியில் அவர்கள் 3 பேரும் சேர்ந்து அழகியை கூட்டு பாலியல் பலாத்காரம் செய்துள்ளனர். பின்னர் நள்ளிரவில் அழகியை அவரது வீடு அருகே விட்டுவிட்டு தப்பி சென்றுள்ளனர். இதற்கு அழகியின் தோழியும் உடந்தையாக இருந்துள்ளார். இதையடுத்து போலீசார் மாடல் அழகியை மருத்துவ பரிசோதனைக்காக கொச்சி அரசு ஆஸ்பத்திரிக்கு அனுப்பி வைத்தனர். அவர் கொடுத்த தகவலின் பேரில் 

 

மாடல் அழகியை கடத்தி சென்ற காரை கண்காணிப்பு கேமிரா காட்சிகள் மூலம் கண்டுபிடித்தனர். தொடர்ந்து மாடல் அழகியின் 3 நண்பர்கள், அவரது தோழி ஆகியோரையும் பிடித்தனர். அவரது தோழி ராஜஸ்தானை சேர்ந்தவர் ஆவார். இவர்கள் 4 பேரையும் கைது செய்த போலீசார் அவர்களிடம் சம்பவத்திற்கான காரணம் குறித்து விசாரணை நடத்தி வருகிறார்கள். ஓடும் காரில் மாடல் அழகி கடத்தி பாலியல் பலாத்காரம் செய்யப்பட்ட சம்பவம் கேரளாவில் பெரும் பரபரப்பை ஏற்படுத்தி உள்ளது.