நக்கீரன் செய்தியாளர் மற்றும் கேமராமேன் ஆகியோரை கனியாமூர் சக்தி பள்ளியைச் சேர்ந்த 10க்கும் மேற்பட்ட கும்பல் துரத்தி பிடித்து தாக்குதல்.

 

 

இதனை செய்தி சேகரிக்கவும் புகைப்படம் எடுக்கவும் சென்னையில் இருந்து வார பத்திரிக்கை (நக்கீரன்) செய்தியாளர் பிரகாஷ் (56) மற்றும் போட்டோகிராபர் அஜித்குமார் ஆகியோர் பள்ளிக்குச் சென்று புகைப்படம் எடுத்துக் கொண்டு காரில் திரும்பி வந்துள்ளனர். அப்போது அவர்கள் சென்ற காரை அந்த பள்ளியிலிருந்து பின் தொடர்ந்து வந்த 10க்கும் மேற்பட்ட மர்ம கும்பல் துரத்தியுள்ளனர். அப்போது செய்தியாளர்கள் இருவரும் தப்பித்துக்கொள்ள ஆத்தூரை நோக்கி சென்றுக்கொண்டிருந்தனர்.

 

 

 

அப்போது பின் தொடர்ந்த சக்தி பள்ளியைச் சேர்ந்த 10 க்கும் மேற்பட்ட கும்பல் தலைவாசலில் காரை வழிமறித்து சராசரியாக தாக்கியும் மேலும் அவர்களை தாக்கப்பட்டு கடத்த முயற்சித்தனர். ஆனால் அங்கிருந்த பொதுமக்கள் காப்பாற்றி அந்த தாக்குதலில் படுகாயமடைந்த செய்தியாளர்கள் பிரகாஷ் மற்றும் அஜித்குமார் ஆகிய இருவரையும் மீட்டு சிகிச்சைக்காக ஆத்தூர் அரசு மருத்துவமனையில் அனுமதித்துள்ளனர்.

 

 

 

மேலும், இது குறித்து ஆத்தூர் காவல்துணை கண்காணிப்பாளர் ராமச்சந்திரன் தாக்குதல் நடத்தியவர்கள் மீது வழக்குபதிவு விசாரணை மேற்கொண்டு வருகின்றார். பத்திரிகையாளர்கள் தாக்கப்பட்ட இச்சம்பவம் அப்பகுதியில் சிறிது நேரம் பரபரப்பை ஏற்படுத்தியுள்ளது.