சென்னை: தமிழீழ விடுதலைப் புலிகள் இயக்கத்தின் தலைவர் பிரபாகரன் களத்தில் இருந்த போது இந்து ஈழம் என்றெல்லாம் பேசாதவர்கள் இப்போது அவர் இல்லாத தைரியத்தில்தான் பேசுகின்றனர் என்று தமிழக பாஜக தலைவர் அண்ணாமலைக்கு நாம் தமிழர் கட்சியின் தலைமை ஒருங்கிணைப்பாளர் சீமான் கடும் கண்டனம் தெரிவித்துள்ளார்.

 

 

 

இந்தியாவிடம் இருந்து தமிழ்நாடு பிரிந்து தனிநாடாக வேண்டும் என்பதற்காக ஆயுதப் போராட்டம் நடத்திய இயக்கம் தமிழ்நாடு விடுதலைப் படை. தமிழரசனை தலைவராக கொண்ட தமிழ்நாடு விடுதலைப் படையின் மூத்த முன்னோடி புலவர் கலியபெருமாள். அவரது 15ஆம் ஆண்டு நினைவு நாளையொட்டி இன்று நாம் தமிழர் கட்சியின் தலைமை அலுவலகமான இராவணன் குடிலில் அக்கட்சியின் தலைமை ஒருங்கிணைப்பாளர் சீமான் தலைமையில் மலர்வணக்க நிகழ்வு நடைபெற்றது. இதன் பின்னர் நடைபெற்ற செய்தியாளர் சந்திப்பில் சீமான் கூறியதாவது: