கச்சத்தீவு அருகே கடலில் மீன் பிடிக்கும் தமிழக மீனவர்களை இலங்கை கடற்படையினர் சிறை பிடிக்கும் சம்பவங்கள் தொடர் கதையாகி வருகின்றன.

 

பாரம்பரிய முறைப்படி கச்சத்தீவு அருகே மீன்பிடிக்கவும், இலங்கை கடற்படையினர் சிறைபிடிக்கும் சம்பவத்தை தடுத்து நிறுத்தவும் மத்திய-மாநில அரசுகள் நடவடிக்கை எடுக்க வேண்டுமென தமிழக மீனவர்கள் தொடர்ந்து கோரிக்கை வைத்து வருகின்றனர்.

 

 

இருந்தபோதிலும் தமிழக மீனவர்கள் மற்றும் அவர்களது விசைப்படகுகளை இலங்கை கடற்படையினர் சிறைபிடிக்கும் சம்பவங்கள் தொடர்ச்சியாக நடந்து வருகிறது. 

 

இந்த நிலையில், நேற்று முன்தினம் ராமேசுவரம் மீனவர்கள் 8 பேரை இலங்கை கடற்படையினர் சிறைபிடித்தனர். கடந்த 12-ந் தேதி இலங்கை கடற்படையினரால் சிறைபிடிக்கப்பட்ட ராமேசுவரம் மீனவர்கள் 12 பேர் கிளிநொச்சி சிறையில் அடைக்கப்பட்டிருந்தனர். 

 

இதையடுத்து நீதிமன்ற காவல் நிறைவடைந்ததையடுத்து அந்த 12 பேரும் கிளிநொச்சி நீதிமன்றத்தில் இன்று ஆஜர்படுத்தப்பட்டனர். அதையடுத்து கைது செய்யப்பட்ட ராமேசுவரம் மீனவர்கள் 12 பேரையும் விடுதலை செய்து இலங்கை நீதிமன்றம் உத்தரவிட்டது.