மாவட்டத்தை சேர்ந்தவர் சவுமியா (24). இவரது கணவர் சீனிவாசன். இந்நிலையில் தனக்கு தமிழக அமைச்சர் ஒருவரை நன்றாக தெரியும் என்றும், பணம் கொடுத்தால் அரசு வேலை வாங்கித் தருகிறேன் என்றும் கூறியுள்ளார். இதனை நம்பி ஏராளமான மக்கள் லட்சக்கணக்கில் பணத்தை கொடுத்துள்ளனர். ஆனால் சொன்னபடி வேலை வாங்கித் தரவில்லை. பணத்தை திரும்பி கேட்கையில் பிரச்சினை விஸ்வரூபம் எடுத்தது. இதையடுத்து சவுமியா மீது போலீசில் ஏராளமான புகார்கள் குவிந்தன.

 

 

இந்நிலையில் கோவையில் ரேஸ்கோர்ஸ் போலீசாரிடம் சிக்கிய சவுமியா, சூலூர் காவல்நிலையத்திற்கு அழைத்து வரப்பட்டார். அவரிடம் பணம் கொடுத்து ஏமாந்த அப்பநாயக்கன்பட்டி பொதுமக்களும் கூடவே வந்தனர். ஆனால் இரவு நேரத்தில் பெண்களை காவல்நிலையத்தில் வைத்து விசாரிக்க முடியாது. எனவே நாளை வருமாறு போலீசார் கூறினர். ஆனால் வெளியே சென்றால் பொதுமக்கள் சூழ்ந்து கொள்வார்கள் என்று கூறி,

 

தனது இரண்டு வழக்கறிஞர்கள் உடன் காவல்நிலையத்தில் தஞ்சமடைந்தார். நேரம் கடக்க ஆரம்பித்தது. நள்ளிரவு தாண்டியும் பொதுமக்கள் புறப்பட்டு சென்றபாடில்லை. அதிகாலை 3 மணியளவில் வாடகை காரை வரவழைத்து, அதில் ஏறி தப்பிச் செல்ல சவுமியா முயற்சித்ததாக கூறப்படுகிறது. ஆனால் பொதுமக்கள் சூழ்ந்து கொண்டு அவரை விடவில்லை. இதனால் மீண்டும் காவல்நிலையத்திற்குள் சென்று அமர்ந்து கொண்டார்.

 

அடுத்த சில நிமிடங்களில் தனக்கு மூச்சு விட சிரமமாக இருக்கிறது. நெஞ்சு வேற வலிக்கிறது. நான் கர்ப்பமாக இருக்கிறேன். உடனே என்னை மருத்துவமனையில் சேர்த்து விடுங்கள் என்று கதறியுள்ளார். இதையடுத்து 108 ஆம்புலன்ஸிற்கு அழைப்பு விடுக்கப்பட்டது. இந்நிலையில் ஆம்புலன்ஸ் வந்தவுடன் அதில் ஏறி மருத்துவமனைக்கு சென்றுவிட்டார்.

 

ஆனால் வெளியில் இருந்த பொதுமக்கள் விடவில்லை. ஆம்புலன்ஸ் ஏறிச் சென்று அப்படியே தப்பி விட்டால் என்ன செய்வது என பின்னாலேயே செல்லத் தொடங்கினர். தங்கள் பணம் திரும்பக் கிடைக்கும் வரை விட மாட்டோம் என்று பொதுமக்களும் உறுதியாக கூறிவிட்டனர். இந்த சூழலில் சாதாரண சிகிச்சை பெற்றுக் கொண்டு மருத்துவமனையில் இருந்து சவுமியா எப்படியோ எஸ்கேப் ஆகியுள்ளார்.

 

அரசு வேலை வாங்கித் தருவதாக ஏமாற்றப்பட்ட புகாரில் ராமநாதபுரம் மாவட்டத்தில் ஏற்கனவே சவுமியாக கைது செய்யப்பட்டிருப்பதாக தகவல்கள் கிடைத்துள்ளன. இதேபோல் பல்வேறு காவல்நிலையங்களில் ஏராளமான புகார்கள் அளிக்கப்பட்டுள்ளதாம். இப்படிப்பட்ட நபரை நம்பி மக்கள் எப்படி ஏமாறுகின்றனர் என சமூக ஆர்வலர்கள் கேள்வி எழுப்புகின்றனர்.

 

இந்த சூழலில் தமிழக அமைச்சர் செந்தில் பாலாஜி உடன் சவுமியா நிற்கும் புகைப்படம் வெளியாகி பரபரப்பை ஏற்படுத்தியுள்ளது. இதேபோல் மேலும் சில அமைச்சர்கள் உடன் புகைப்படம் எடுத்துக் கொண்டு மக்களை ஏமாற்ற பயன்படுத்திக் கொண்டதாக தெரிகிறது.