பாடசாலையொன்றின் கட்டடம் இடிந்து வீழ்ந்ததில் மூன்று மாணவர்கள் உயிரிழந்த பரிதாப சம்பவம் இடம்பெற்றுள்ளது.

 

தமிழகத்தின் திருவெல்வேலி பகுதியிலுள்ள பாடசாலை ஒன்றிலேயே இன்று (17) முற்பகல் 11 மணியளவில் இந்ச சம்பவம் இடம்பெற்றுள்ளதாக தமிழக ஊடகத் தகவல்கள் தெரிவிக்கின்றன.

 

ஷாப்ஃடர் மேல் நிலை பாடசாலையிலுள்ள மலசலகூட சுவர் ஒன்றே இவ்வாறு இடிந்து வீழ்ந்துள்ளது. இந்த அனர்த்தத்தில் மூன்று மாணவர்கள் சம்பவ இடத்திலேயே உயிரிழந்துள்ளதுடன், 4 பேர் காயமடைந்துள்ளனர்.

 

100 வருடம் பழைமை வாய்ந்த பாடசாலையின் கட்டடமே இவ்வாறு இடிந்து வீழ்ந்துள்ளது.

 

சம்பவத்தை அடுத்து, மாணவர்கள் கற்களை கொண்டு பாடசாலை கட்டங்களின் மீது எறிந்தமையினால், பாடசாலை சொத்துக்களுக்கு சேதம் ஏற்பட்டுள்ளதாக தெரிய வருகின்றது. இந்த சம்பவத்தை அடுத்து பாடசாலைக்கு விடுமுறை அறிவிக்கப்பட்டதாக தமிழக ஊடகத் தகவல்கள் தெரிவிக்கின்றன.

 

சம்பவம் தொடர்பில் பொலிஸார் விரிவான விசாரணைகளை ஆரம்பித்துள்ளனர்.