கொரோனா நிவாரணத் தொகை பெறுவதற்கு ஆன்லைனில் விண்ணப்பிப்பது எப்படி?

 

கொரோனா பாதிப்பால் தமிழகத்தில் பல்லாயிரக்கணக்கானோர் உயிரிழந்துள்ளனர். கொரோனாவால் உயிரிழந்தவர்களின் குடும்பங்களுக்கு தலா 50,000 ரூபாய் நிவாரணம் வழங்கப்படும் என தமிழக அரசு அறிவித்திருந்தது. இதற்கான அரசாணையையும் தமிழக அரசு வெளியிட்டிருந்தது.

 

கொரோனாவால் உயிரிழந்தவர்களின் குடும்பத்தினர் அல்லது வாரிசுதாரர்கள் 50,000 ரூபாய் நிவாரணத் தொகை பெறுவதற்கு ஆன்லைனிலேயே ஈசியாக விண்ணப்பிக்கலாம்.

 

கொரோனாவால் உயிரிழந்தவர்களின் குடும்பத்தினர் அரசின் இழப்பீட்டுத் தொகையை பெறுவதை எளிமையாக்க https://www.tn.gov.in/ என்ற தமிழ்நாடு அரசின் இணையதள முகவரியில் விண்ணப்பிக்கலாம் என்று தமிழக அரசு தெரிவித்துள்ளது.

 

இந்த இணையதளத்தில் உள்ள ‘வாட்ஸ் நியூ’ (What's new) பகுதியில் ‘Ex Gratia for Covid-19) என்னும் விண்ணப்பத்திற்கான இணைப்பை தேர்வு செய்து ஆன்லைன் மூலம் விண்ணப்பம் செய்து உதவித் தொகை பெறலாம் என தமிழக அரசு தெரிவித்துள்ளது.