புதுடில்லி: வெளிநாட்டிலிருந்து இந்தியா வரும் சுற்றுலா பயணிகளுக்கு அக்.15 முதல் புதிய விசா முறையை மத்திய அரசு அனுமதித்துள்ளது.

 

கோவிட் தொற்று காரணமாக வெளிநாடுகளிலிருந்து சுற்றுலா பயணிகள் இந்தியா வர கடந்த ஒன்றறை ஆண்டுகளுக்கு மேல் தடை விதிக்கப்பட்டிருந்தது. தற்போது கொரோனா பரவல் குறைந்து வரும் நிலையில், வெளிநாட்டு சுற்றுலா பயணிகளுக்கு புதிய விசா முறை அளிக்கப்பட்டுள்ளது.

 

இது தொடர்பாக மத்திய உள்துறை அமைச்சகம் வெளியிட்டுள்ளதாவது, வெளிநாடுகளிலிருந்து தனி விமானங்களில் இந்தியா வரும் சுற்றுலா பயணிகளுக்கு அக்.15 முதல் புதிய விசா அனுமதிக்கப்படும். பிற விமானங்களிலிருந்து இந்தியா வரும் சுற்றுலா பயணிகளுக்கு நவ. 15 முதல் புதிய விசா அனுமதிக்கப்படும். இவ்வாறு உள்துறை அமைச்சகம் தெரிவித்துள்ளது.