அமெரிக்காவில் கட்டட விபத்தில் 1 வயது குழந்தையுடன் இந்திய வம்சாவளி தம்பதியும் உயிரிழந்திருக்கலாம் என தெரியவந்துள்ளது.அமெரிக்காவின் புளோரிடா மாகாணத்தில் சமீபத்தில் அடுக்குமாடி குடியிருப்பு கட்டடம் இடிந்து விழுந்தது.கட்டட இடிபாடுகளில் இருந்து ஆறு பேரின் உடல்கள் இதுவரை கண்டெடுக்கப்பட்டுள்ளன.மேலும் இதில் வசித்து வந்த 150 பேரின் நிலை என்ன என்பது தெரியவரவில்லை. மீட்புப் பணிகள் முழுவீச்சில் நடந்து வருகின்றன.இந்நிலையில் இதில் குழந்தையுடன் இந்திய வம்சாவளி தம்பதி மாயமாகி உள்ளது தெரியவந்துள்ளது. விஷால் படேல் 42, மனைவி பாவ்னா படேல் 38 மற்றும் இவர்களின் 1 வயது பெண் குழந்தை ஐஷானி படேல் ஆகிய இவர்கள் உயிரிழந்திருக்கலாம் என அஞ்சப்படுகிறது. பாவ்னா படேல் நான்கு மாத கர்ப்பிணி என்பது வருத்தத்திற்குரிய செய்தி.