இந்தியாவில் கடந்த 24 மணி நேரத்தில் புதிதாக 18,711 பேருக்கு கொரோனா வைரஸ் தொற்று உறுதி செய்யப்பட்டுள்ளது.

 

இதற்கமைய பாதிக்கப்பட்டவர்களின் மொத்த எண்ணிக்கை 1,12,10,799 ஆக உயர்ந்துள்ளதாக மத்திய சுகாதார அமைச்சு தெரிவித்துள்ளது.

 

இதேவேளை கொரோனா பாதிப்பில் இருந்து குணமடைந்தவர்களின் எண்ணிக்கை 1,08,68,520 ஆக உயர்ந்துள்ளது. நேற்று ஒரே நாளில் 14,392 பேர் குணமடைந்துள்ளனர்.

 

இதேவேளை கடந்த 24 மணி நேரத்தில் 100 பேர் உயிழந்துள்ளனர். இதற்கமைய உயிரிழந்தோரின் மொத்த எண்ணிக்கை 1,57,756ஆக அதிகரித்துள்ளது.

 

நாடு முழுவதிலும் உள்ள பல்வேறு வைத்தியசாலைகளில்1,84,523 சிகிச்சை பெற்று வருகின்றனர்.

 

இந்தியாவில் இதுவரை 2,09,22,344 பேருக்கு கொரோனா தடுப்பூசி செலுத்தப்பட்டுள்ளமை குறிப்பிடத்தக்கது.