ஆந்திர மாநிலம் கர்னூல் மாவட்டத்தில் லொரியும், வானும் நேருக்கு நேர் மோதிக்கொண்டதில் 14 பேர் உயிரிழந்தனர்.

 

இன்று(ஞாயிற்றுக்கிழமை) அதிகாலை தெலுங்கானா மாநிலம் ஐதராபாத் அருகே உள்ள ஹஜ்மீருக்கு, சித்தூரை சேர்ந்த 18 பேர் டெம்போ வான் ஒன்றில் சென்று கொண்டிருந்தனர்.

 

அவர்கள் பயணம் செய்த டெம்போ வான் கர்னூல் மாவட்டத்தில் மாதாபுரம் அருகே சென்று கொண்டிருந்தபோது லொரி மீது மோதி விபத்து ஏற்பட்டது.

 

விபத்தில் சிக்கி நொறுங்கிய வானில் பயணம் செய்தவர்களில் 8 ஆண்கள், ஒரு குழந்தை, ஐந்து பெண்கள் உள்ளடங்களாக 14 பேர் சம்பவ இடத்திலேயே உயிரிழந்தனர்.

 

விபத்து பற்றிய தகவல் அறிந்த பொலிஸார் விரைந்து சென்று வாகனங்களையும், உயிரிழந்தவர்களையும் மீட்டுள்ளனர்.