தமிழக சுகாதாரத்துறை  இன்று வெளியிட்ட தகவலின் படி, மாநிலத்தில் இன்று புதிதாக 5,489 பேருக்கு கொரோனா தொற்று உறுதி செய்யப்பட்டுள்ளதாக தெரிவிக்கப்பட்டுள்ளது. இதனால் தமிழகத்தில் கொரோனாவால் பாதிக்கப்பட்டவர்களின் எண்ணிக்கை 6,19,996 ஆக அதிகரித்துள்ளது.

 

தமிழகத்தில் இன்று மேலும் 66 பேர் கொரோனா பாதிப்பால் உயிரிழந்துள்ளனர். இதன்மூலம் தமிழகத்தில் இதுவரை கொரோனாவால் உயிரிழந்தவர்களின் எண்ணிக்கை 9,784 ஆக அதிகரித்துள்ளது.

 

தமிழகத்தில் இன்று 5,558 பேர் கொரோனா சிகிச்சை முடிந்து டிஸ்சார்ஜ் செய்யப்பட்டுள்ளனர். இதனால் தமிழகத்தில் கொரோனா பாதிப்பில் இருந்து குணமடைந்தவர்களின் எண்ணிக்கை 5,64,092 ஆக உயர்ந்துள்ளது. தமிழகத்தில் தற்போது 46,120 பேர் கொரோனாவிற்கு சிகிச்சை பெற்று வருவதாக சுகாதாரத்துறை தெரிவித்துள்ளது.

 

 

சென்னையில் இன்று ஒருநாளில் 1,348 பேருக்கு தொற்று உறுதி செய்யப்பட்டுள்ளது. சென்னையில் இதுவரை 1,72,773 பேருக்கு கொரோனா தொற்று உறுதி செய்யப்பட்டுள்ளது.