ரோல்ஸ் ராய்ஸ் நிறுவனத்தின் கார்களில் கிடைக்க கூடிய சொகுசு, வேறு எந்த கார்களிலாவது கிடைக்குமா? என்பது நிச்சயமாக சந்தேகம்தான். எனவே ரோல்ஸ் ராய்ஸ் கார்கள் சொகுசு வசதிகளின் உச்சகட்டமாக கருதப்படுகின்றன. வாழ்க்கையில் ஒரு ரோல்ஸ் ராய்ஸ் காரையாவது வாங்க வேண்டும் என்ற ஆசை பெரும்பாலானோருக்கு உள்ளது.வெறும் ஆசை என்பதுடன் இல்லாமல், சொந்தமாக ரோல்ஸ் ராய்ஸ் காரை வாங்குவதை தங்களின் வாழ்நாள் லட்சியமாக வைத்திருப்பவர்களும் ஏராளம்.

 

கேரளாவை சேர்ந்த ஒரு குடும்பத்திடம் மூன்று வெவ்வேறு வண்ணங்களில் மூன்று ரோல்ஸ் ராய்ஸ் கார்கள் உள்ளன. இங்கே நாம் பேசி கொண்டிருக்கும் மூன்று ரோல்ஸ் ராய்ஸ் கார்களும் கல்யாண் ஜூவல்லர்ஸ் நிறுவனத்தின் தலைவர் மற்றும் நிர்வாக இயக்குனரான கல்யாணராமன் மற்றும் அவரது மகன்களான ரமேஷ் மற்றும் ராஜேஷ் ஆகியோருக்கு சொந்தமானது.

 

தற்போதைய நிலையில், கோஸ்ட் (Rolls-Royce Ghost) மாடல்தான் இந்திய சந்தையில் கிடைக்கும் விலை மலிவான ரோல்ஸ் ராய்ஸ் கார். ஆனால் ‘மலிவான’ என்ற வார்த்தையை கேட்டு மயங்கி விடாதீர்கள். ரோல்ஸ் ராய்ஸ் கோஸ்ட் காரின் ஆரம்ப விலையே 5.25 கோடி ரூபாய். இந்த விலையில் இருந்து 6.83 கோடி ரூபாய் வரையிலான விலைகளில் ரோல்ஸ் ராய்ஸ் கோஸ்ட் விற்பனை செய்யப்படுகிறது.