: சீன படையினரின் ஆதிக்கத்துக்கு பதிலடி கொடுக்கும் வகையில், அந்தமான் கடல் பகுதியில், இந்திய கடற்படையினர் போர் பயிற்சியை துவக்கியுள்ளனர்.

 

சமீப காலமாக, அண்டை நாடான சீனா, எல்லை பகுதியில் நம்முடன் மோதல் போக்கை பின்பற்றி வருகிறது.தென் சீன கடல் பகுதியிலும், சீன கடற்படையினர் ஆதிக்கம் செலுத்தி, மலேஷியா, சிங்கப்பூர், பிலிப்பைன்ஸ் ஆகிய நாடுகளுக்கு, அச்சுறுத்தலாக விளங்கி வருகின்றனர்.சீனாவுக்கு பதிலடி கொடுக்கும் விதமாக, தென் சீன கடல் பகுதியில், அமெரிக்காவின் இரண்டு போர் கப்பல்கள், போர் பயிற்சியில் ஈடுபட்டு வருகின்றன.

 

 

இந்நிலையில், இந்த விவகாரத்தில், நம் கடற்படையும் களத்தில் இறங்கியுள்ளது. அந்தமான் கடல் பகுதியில், நம் கடற்படை கப்பல்கள், நீர்மூழ்கி கப்பல்களும் போர் பயிற்சியை துவக்கியுள்ளன.இந்திய பெருங்கடல் பகுதியில் பாதுகாப்பை உறுதி செய்யும் விதமாக, இந்த போர் பயிற்சி துவக்கப்பட்டுள்ளதாக தெரிவிக்கப்பட்டுள்ளது.