கச்சத்தீவில் நடைபெறும் புனித அந்தோணியார் ஆலயத் திருவிழாவில் இந்தியா-இலங்கை  ஆகிய இரு நாடுகளைச் சேர்ந்த ஏராளமானோர் பங்கேற்றனர்.
ஆண்டுதோறும் நடைபெறும் குறித்த திருவிழாவில் பங்கேற்பதற்காக ராமநாதபுரத்தை சேர்ந்த 3,004 பேர், மாவட்ட நிர்வாகத்தின் உரிய அனுமதி பெற்று கச்சத்தீவுக்கு சென்றிருந்தனர்.
அந்தோணியார் ஆலயத்தில் தலைமை ஆயர்கள் முன்னிலையில் நேற்று (வெள்ளிக்கிழமை) கொடியேற்றத்துடன் ஆரம்பமாகிய  திருவிழாவில் திருச்சிலுவை ஆராதனை, சிலுவைப்பாதை நிகழ்ச்சி போன்றவற்றில் கலந்துகொண்ட ஏராளமானோர் சிறப்பு பிரார்த்தனையில் ஈடுபட்டனர்.
அதனைத் தொடர்ந்து இரவு நடைபெற்ற தேர் பவனி உற்சாகமாக முடிவுற்ற நிலையில், இன்று சிறப்புத் திருப்பலி பூஜை நடைபெறவுள்ளமை குறிப்பிடத்தக்கது.