மணிப்பூர் தலைநகரான இம்பாலில்  சக்தி வாய்ந்த  குண்டொன்று வெடித்துள்ளதாக இந்திய ஊடகங்கள் செய்தி வெளியிட்டுள்ளன.
குறித்த சம்பவம் இன்று (வியாழக்கிழமை) காலை நாகமபால் ரிம்ஸ் சாலை அருகே இடம்பெற்றுள்ளது. இதன்காரணமாக குறித்த பகுதியில் பதற்றம் ஏற்பட்டுள்ளது.
இந்த சம்பவத்தில் உயிரிழப்புகள் எதுவும் பதிவாகவில்லை என தெரிவித்துள்ள பொலிஸார் மேலதிக விசாரணைகளையும் முன்னெடுத்து வருகின்றனர்.
குடியரசு  தினத்தில்  தாக்குதல்களை நடத்த பயங்கரவாதிகள் திட்டமிட்டுள்ளதாக உளவுத்துறை எச்சரிக்கை விடுத்துள்ளது.
இதனையடுத்து மேற்கொள்ளப்பட்ட சோதனை நடவடிக்கையில் சிலர் கைது செய்யப்பட்டுள்ளதுடன், விமான நிலையங்கள் உள்ளிட்ட முக்கிய இடங்களில் பாதுகாப்பு நடவடிக்கைகள் பலப்படுத்தப்பட்டுள்ளமை குறிப்பிடத்தக்கது.