சர்ச்சை சாமியார் நித்தியானந்தா தொடர்பான வழக்கில், திடீர் திருப்பமாக பெண் சீடர்கள் தாக்கல் செய்துள்ள பிரமாண பத்திரத்தில் அமெரிக்காவின் விர்ஜீனியாவில் தாங்கள் இருப்பதாக தெரிவிக்கப்பட்டுள்ளது.
குஜராத் மாநிலத்தில் இயங்கி வரும் ஆசிரமத்தில் தங்கியிருந்த தனது 2 மகள்களை மீட்டுதரக்கோரி பெங்களூரை சேர்ந்த ஜனார்த்தன சர்மா தொடர்ந்த ஆட்கொணர்வு மனுவை குஜராத் உயர்நீதிமன்றம் விசாரித்து வருகிறது.
அண்மையில் மனு விசாரணையின்போது, ஜனார்த்தன சர்மாவின் 2 மகள்கள் சார்பில் தாக்கல் செய்யப்பட்ட பிரமாண பத்திரத்தில், அமெரிக்காவின் விர்ஜீனியாவில் தற்போது இருப்பதாக குறிப்பிட்டுள்ளனர்.
நித்தியானந்தாவும், பெண் சீடர்களும் எங்குள்ளனர் எனத் தெரியாமல் போலீஸார் தவித்த நிலையில், இந்த தகவல் புதிய திருப்பத்தை ஏற்படுத்தியுள்ளது