புதுச்சேரியில் முத்தியால் பேட்டை பகுதியில், வெடிகுண்டுவீசியும் அரிவாளால் வெட்டியும் ரவுடியை படுகொலை செய்த மர்மக் கும்பலை போலீசார் தேடி வருகின்றனர்.
புதுச்சேரியில் முத்தியால் பேட்டையை சேர்ந்த அன்பு ரஜினி என்பவர் மீது பல்வேறு கொலை, கொள்ளை வழக்குகள் உள்ளன. முத்தியால் பேட்டை பகுதியில் பிரபல ரவுடியாக அவர் செயல்பட்டு வந்தார்.
இந்நிலையில், நேற்றிரவு 9.30 மணியளவில் காரில் இவர் சென்றுக் கொண்டிருந்த போது, சாலைத்தெருவில் வழிமறித்த 6 பேர் கொண்ட கும்பல் 2 கையெறி குண்டுகளை வீசியது. இதனால் கார் தடுமாறி நின்றதும், அந்த கும்பல் அவரை சரமாரியாக வெட்டி படுகொலை செய்துவிட்டுத் தப்பிச் சென்றது. ரத்த வெள்ளத்தில் துடித்த அன்பு ரஜினி, சம்பவ இடத்திலேயே உயிரிழந்தார்.
தகவல் அறிந்து சம்பவ இடத்திற்கு விரைந்து வந்த போலீசார், அவரது உடலைக் கைப்பற்றி விசாரணையில் ஈடுபட்டனர். அங்கிருந்த கண்காணிப்பு கேமரா காட்சி பதிவுகளை ஆய்வு செய்து குற்றவாளிகளை தேடி வருகின்றனர். இந்த சம்பவத்தால அப்பகுதியில் பதற்றமான சூழல் காணப்படுகிறது.