ஜம்மு- காஷ்மீர், சோபூரில் தீவிரவாதிகள் நடத்திய வெடிகுண்டு தாக்குதலில் 20க்கும் அதிகமானோர் படுகாயமடைந்துள்ளனர்.
காயமடைந்தவர்களில் பலர் கவலைக்கிடமான நிலைமையில் உள்ளதாக காஷ்மீர் பொலிஸார் தெரிவித்துள்ளனர்.
சோபூர் நகரிலுள்ள பேருந்து தரிப்பு இடத்தில் ஏராளமானோர் பேருந்துக்காக நேற்று (திங்கட்கிழமை) காத்திருந்தனர்.
இதன்போது அங்கு வந்த தீவிரவாதிகள், பேருந்து தரிப்பிடத்தில் நின்றுகொண்டிருந்தவர்கள் மீது வெடிகுண்டு வீசியுள்ளனர். இந்த எதிர்பாராத தாக்குதலில் சிக்கி, 20க்கும் அதிகமானோர் படுகாயமடைந்தனர்.
உள்ளூர் வைத்தியசாலையில் சேர்க்கப்பட்டவர்களில் 6பேர் உடல்நிலை கவலைக்கிடமாக உள்ளதாக வைத்தியசாலை தகவல்கள் தெரிவிக்கின்றன.