நாங்குநேரி, விக்கிரவாண்டி தொகுதிகளுக்கான இடைத்தேர்தலில் அதிமுக வெற்றி பெற்றதை அக்கட்சியினர் பட்டாசுகளை வெடித்தும் இனிப்புகள் வழங்கியும் உற்சாகமாக கொண்டாடினர்.
தேர்தல் முடிவுகளில் அதிமுக முன்னிலை பெறத் தொடங்கியது முதலே உற்சாகத்தில் திளைத்த அதிமுக தொண்டர்கள், அதிகாரப்பூர்வமான முடிவுகள் வந்ததும் பட்டாசுகளை வெடித்து இனிப்புகள் வழங்கி கொண்டாட்டத்தில் ஈடுபட்டனர்.
சென்னை ராயப்பேட்டை உள்ள அதிமுக தலைமையகத்திலும் அக்கட்சியினர் கொண்டாட்டத்தில் ஈடுபட்டனர்.
இதேபோல், தமிழகத்தின் பல்வேறு பகுதிகளிலும் இடைத் தேர்தலில் அதிமுகவுக்கு கிடைத்த வெற்றியை அதிமுகவினர் உற்சாகமாக கொண்டாடினர்.