திருச்சி லலிதா ஜூவல்லரியில் கொள்ளையடிக்கப்பட்ட நகைகளில், ஒன்றரை கிலோவை மதுரை மாவட்டம் சோழவந்தான் மலைப் பகுதியில் இருந்து தனிப்படை போலீசார் மீட்டுள்ளனர்.
லலிதா ஜூவல்லரி கொள்ளை தொடர்பாக கைது செய்யப்பட்ட மதுரை சமயநல்லூரைச் சேர்ந்த கணேசனை, 5 நாள் காவலில் எடுத்து தனிப்படை போலீசார் விசாரணை மேற்கொண்டனர். விசாரணையில், கொள்ளையடிக்கப்பட்ட நகைகளில் ஒன்றரை கிலோவை, சோழவந்தான் மலைப் பகுதியில் புதைத்து வைத்திருப்பதாக கணேசன் வாக்குமூலம் அளிக்கவே, அங்கு விரைந்த போலீசார் நகைகளை மீட்டனர்.
கணேசனின் காவல் இன்றுடன் முடியவுள்ளதால், மீண்டும் 5 நாட்கள் காவலில் எடுத்து விசாரிக்கக் கோரி மனுத் தாக்கல் செய்ய தனிப்படை போலீசார் திட்டமிட்டுள்ளனர். கொள்ளையடிக்கப்பட்ட 28 கிலோவில், இதுவரை 26.5 கிலோ தங்க நகைகள் மீட்கப்பட்டிருப்பது குறிப்பிடத்தக்கது