இந்திய நாடாளுமன்ற தேர்தலில் பாஜக ஒரு தொகுதி கூட பெறாத மாநிலமாக தமிழகம் உருவாகியிருக்கும் நிலையில், தமிழக பாஜக தலைவராக இருக்கும் அண்ணாமலையை மாற்ற தேசிய தலைமை திட்டமிட்டுள்ளதாக தகவல் வெளியாகியுள்ளது.

 

தமிழ்நாட்டில் பாஜக தலைவர் அண்ணாமலை தலைமைக்கு கீழ் கட்சி வளர்ந்துவிட்டதாக வாதங்கள் வைக்கப்பட்டன. ஆனால் பெரிய வளர்ச்சி எல்லாம் தமிழ்நாட்டில் பாஜகவிற்கு ஏற்படவில்லை என்பதை தேர்தல் முடிவுகள் காட்டுகின்றன.

 

 

தேர்தல் ஆரம்பத்தில் 400 தொகுதிகளை பாஜக கைப்பற்றும் என்ற முழக்கத்தோடு தேர்தலை எதிர்கொண்டது. நாட்கள் செல்ல, செல்ல 400 என்ற முழக்கம் குறைந்தது.

 

தொடர்ந்து தேர்தல் பிரச்சாரம் மதங்களை அடிப்படையாக வைத்து நடைபெற்றது. குறிப்பாக தென் மாநிலங்களான கர்நாடகா, ஆந்திரா, தெலங்கானா ஆகிய மாநிலத்தில் அதிகப்படியான தொகுதிகள் பாஜகவிற்கு கிடைத்த நிலையில் கேரளாவிலும் ஒரு தொகுதியை பாஜக கைப்பற்றியது.

 

அதிமுகவுடன் மேற்கொண்ட மோதல் 

ஆனால் தமிழகத்தில் ஒரு தொகுதியை கூட கைப்பற்ற முடியாமல் பெரும்பாலான இடங்களில் ஆசணங்களை இழந்தது. வாக்கு சதவிகிதமும் 11 என்ற அளவை தாண்டவில்லை.

 

 

வடஇந்தியாவில் அவர் தமிழ்நாட்டின் பாஜகவின் வளர்ச்சி பற்றி விட்ட சவால்கள் காரணமாக கோவை பெரிய அளவில் கவனிக்கப்பட்டது. ஆனால் வடஇந்தியாவில் எதிர்பார்க்காத விதமாக கோவையில் பாஜக தோல்வி அடைந்து உள்ளது.

 

இதனால் பாஜக தேசிய தலைமை மாநில தலைமை அண்ணாமலை மீது அதிருப்தியில் இருப்பதாக கூறப்படுகிறது.

 

அதிமுகவுடன் கூட்டணி தொடர்ந்திருந்தால் தமிழகத்தில் இருந்து குறைந்தபட்சம் 10 முதல் 20 தொகுதிகளை கைப்பற்றியிருக்க முடியும் என பாஜக வட்டாரத்தில் பேசப்பட்டு வருகிறது.

 

அதிமுகவுடன் மேற்கொண்ட மோதல் போக்கால் தான் அதிமுகவும் தோல்வி அடைந்து தாமும் தோல்வி அடைந்தவிட்டதாக பாஜகவினர் தெரிவித்து வருகின்றனர்.

 

 

தற்போது உள்ள நிலையில், சட்டமன்ற தேர்தலை கருத்தில் கொண்டு மோதல் போக்குகளை மேற்கொள்ளாமல் மற்ற கட்சிகள் மற்றும் பொதுமக்களிடம் இனக்கமாக செல்லும் ஒரு தலைவரை நியமிக்கலாமா என ஆலோசனை தொடங்கி இருப்பதாக தெரிகிறது.

 

அந்த வகையில் முதல் ஆளாக வானதி சீனிவாசன், அடுத்ததாக நயினார் நாகேந்திரன், கரு. நாகராஜ். கே.பி.ராமலிங்கம் ஆகியோரின் பெயர்கள் பட்டியலில் இருப்பதாக கூறப்படுகிறது. எனவே இன்னும் ஓரிரு வாரங்களில் தமிழக பாஜகவில் மாற்றங்கள் ஏற்படலாம் என கூறப்படுகிறது.