-

 

மத்திய அரசுக்கு அதிக வரியை தமிழ்நாடு செலுத்தினாலும் அவர்களிடம் பிச்சை எடுக்குற நிலைமையில்தான் நாம் இருக்கிறோம் என்று சீமான் கூறியுள்ளார்.

 -

. என்னதான் மாநில சுயாட்சி பேசினாலும் மத்திய அரசிடம் பிச்சை எடுக்கும் நிலையில்தான் நாம் (தமிழ்நாடு) இருக்கிறோம்" என்று நாம் தமிழர் கட்சியின் தலைமை ஒருங்கிணைப்பாளர் சீமான் வேதனை தெரிவித்தார்.

-

தமிழ்நாட்டுக்கு மத்திய அரசு மிகவும் குறைந்த அளவிலான நிதியை ஒதுக்கி வருவது குறித்து நிருபர் ஒருவர் எழுப்பிய கேள்விக்கு பதிலளித்து சீமான் கூறியதாவது:

 

 

 

ஆமா.. ஒன்னும் கொடுக்குறதில்ல. நான் (தமிழ்நாடு) 3 ரூபாய் கொடுத்தால் 40 காசைதான் மத்திய அரசு திருப்பிக் கொடுக்குது. ஆனால் பீகார், உத்தரபிரதேசம் எல்லாம் 3 ரூபாய் கொடுத்தால் 4 ரூபாயை திருப்பிக் கொடுக்குது. இந்தியாவின் பொருளாதாரத்தை நிரப்புறதுல முதல் இடம் மகாராஷ்ட்ரா. இரண்டாவது இடம் தமிழ்நாடு. மூன்றாவது கர்நாடகா. இதில் ரெண்டு மாநிலங்கள் தெற்கில் தான் இருக்கு. எங்களுக்கு நீங்க என்ன திருப்பி தர்றீங்க? ஒரு பேரிடர் காலத்துல கூட உன்ட்ட நாங்க பிச்சைதான எடுக்க வேண்டி இருக்கு.

-

 

மாநில சுயாட்சி பேசினது திமுக தானே. மாநிலத்துக்கு என்ன உரிமை இருக்கு? எல்லாத்தையும் மத்திய அரசுக்கு தாரை வார்த்து கொடுத்துட்டீங்க. அப்புறம் சும்மா மாநில தன்னாட்சி, மாநில சுயாட்சினு பேசிட்டு இருக்க வேண்டியது. உங்களுக்குலாம் வேற வேலை இல்ல. மத்திய அரசை விடுங்க.. தமிழ்நாடு அரசு என்ன பண்ணுது.. ஏதாவது பிரச்சினைனா உடனே சிபிஐ விசாரணைனு சொல்லுது. உனக்கு வெட்கமா இல்ல. அப்புறது எதுக்கு சுயாட்சி பற்றி நீ பேசுற? ஏன் தமிழ்நாடு போலீஸுக்கு திறமை இல்லையா? நம்ம சிபிசிஐடிக்கு தகுதி இல்லையா? இவ்வாறு சீமான் கேள்வியெழுப்பினார்.