.

 

நாட்டு மக்களுக்கு அதிநவீன வசதிகளை கொண்ட இ - பாஸ்போர்ட்டுகள் விரைவில் விநியோகிக்கப்படும் என மத்திய வெளியுறவுத்துறை அமைச்சர் எஸ். ஜெய்சங்கர் தெரிவித்தார். பாஸ்போர்ட் சேவை 2.0 என்ற திட்டத்தின் கீழ் இந்த இ - பாஸ்போர்ட்டுகள் விநியோகிக்கப்படவுள்ளன.

.

சென்னை: ஒட்டுமொத்த இந்தியாவுக்கே குட்நியூஸ் சொல்லி இருக்கிறது மத்திய அரசு. வெளிநாட்டுப் பயணங்களுக்கு மட்டுமல்லாமல் முக்கிய அடையாள ஆவணங்களில் ஒன்றாக இருக்கும் பாஸ்போர்ட் (கடவுச்சீட்டு), தற்போது புத்தம் புதிய வடிவத்துடன் இ - பாஸ்போர்ட்டுகளாக அவதாரம் எடுத்துள்ளன. மேஜிக் கார்டை வைத்திருப்பது போல இந்த இ - பாஸ்போர்ட்டில் அடங்கியுள்ள விஷயங்கள் குறித்தும், வசதிகள் குறித்தும் இங்கு பார்ப்போம்.

.

.

தொழில்நுட்ப வளர்ச்சிக்கு ஏற்ப சமீபகாலமாக மக்களின் அடிப்படை ஆவணங்கள் நவீனமயமாகி வருகின்றன. ஆதார் அட்டை, ரேஷன் அட்டை என அனைத்தும் ஸ்மார்ட் கார்டுகளாக மாறிவிட்டன. அந்த வகையில், தற்போது பாஸ்போர்ட்டுகளும் இ - பாஸ்போர்ட்டாக வந்துவிட்டன.

 

 

 

வெளிநாட்டு பயணங்களை எளிதாக்கும் வகையிலும், விசா சிக்கல்களை தீர்க்கும் விதமாகவும் இந்த இ - பாஸ்போர்ட்டுகள் உருவாக்கப்படவுள்ளன. இந்நிலையில், இந்த இ - பாஸ்போட்டுகள் மக்களுக்கு விரைவில் விநியோகிக்கப்பட உள்ளதாக மத்திய வெளியுறவுத்துறை அமைச்சர் எஸ். ஜெய்சங்கர் கூறியிருக்கிறார்.

chip

 

 

எலக்ட்ரானிக் சிப்: சரி.. இந்த இ - பாஸ்போர்ட்டில் என்னென்ன வசதிகள் இருக்கின்றன என்று இங்கு பார்க்கலாம். இந்த இ - பாஸ்போர்ட் பார்ப்பதற்கு சாதாரண பாஸ்போர்ட் போலவே இருக்கும். ஆனால் அதற்குள் எலக்ட்ரானிக் சிப் (Electronic Chip) பொருத்தப்பட்டிருக்கும். பாஸ்போர்ட் வைத்திருப்போரின் கைரேகை, கருவிழிரேகை உள்ளிட்ட தகவல்கள் அனைத்தும் இந்த எலக்ட்ரானிக் சிப்பில் இருக்கும். இந்த தகவல்களை மாற்ற முடியாது. ஒருவேளை, சிப்பில் சேதம் ஏற்பட்டால் இ - பாஸ்போர்ட்டே செயலிழந்துவிடும்.

 

என்னென்ன வசதிகள்: இந்த இ - பாஸ்போர்ட் மூலம் விசா நடைமுறைகள் மிக மிக எளிதாகிவிடும். இதுவரை நாம் வெளிநாட்டுக்கு செல்லும் போது அங்கு நாம் விசா பெற வேண்டும். பின்னர் முத்திரையிடுவதற்கும், சரிபார்ப்பதற்கும் நீண்டவரிசையில் அதிக நேரம் காத்திருக்க வேண்டும். ஆனால், இ - பாஸ்போர்ட் வைத்திருந்தால் அந்த அவசியமே இல்லை. நாம் விமான நிலையத்தின் குறிப்பிட்ட பகுதிக்குள் நுழைந்ததுமே, தானாக விசாவும், பாஸ்போர்ட்டும் சரிபார்க்கப்பட்டு விடும். நாம் போய் கொண்டே இருக்கலாம். இப்போது டோல்கேட்டில் நடக்கிறதே அது மாதிரி.

 

 

 

விரைவில் சிறப்பு முகாம்கள்: இந்த இ - பாஸ்போர்ட்டுகளை வழங்குவதற்காக இன்னும் ஓரிரு வாரங்களில் பல இடங்களில் சிறப்பு முகாம்களும் நடைபெறவுள்ளது. புதிதாக பாஸ்போர்ட் வாங்குவோரும், பழைய பாஸ்போர்ட் வைத்திருப்பவர்களும் இந்த முகாமில் கலந்துகொண்டு இ - பாஸ்போர்ட் வாங்கிக் கொள்ளலாம். அப்படி இல்லையென்றால், ஆன்லைனில் விண்ணப்பித்தும் இ - பாஸ்போர்ட் பெற முடியும் என மத்திய அரசு வட்டாரங்கள் தெரிவிக்கின்றன. இதுதொடர்பான அறிவிப்புகள் விரைவில் வெளியாகும்.

.