பிரபல தென்னிந்திய பாடகர் ஹரிஹரனின் பிரம்மாண்ட இசை நிகழ்ச்சி ஒன்று எதிர்வரும் டிசம்பர் மாதம் 21ஆம் திகதி யாழ்ப்பாணம் முற்றவெளி அரங்கில் இடம்பெறவுள்ளது.

 

NORTHERNUNIஇன் ஏற்பாட்டிலான இந்த நிகழ்ச்சி தொடர்பான ஊடக சந்திப்பு கடந்த புதன்கிழமை (11) யாழ்ப்பாணத்தில் அமைந்துள்ள தனியார் விருந்தினர் விடுதி ஒன்றில் இடம்பெற்றது.

 

இதில் கலந்துகொண்ட தென்னிந்தியாவின் பிரபல நடன இயக்குநர் கலா மாஸ்டர் இசை நிகழ்ச்சி தொடர்பான தகவல்களை தெரிவித்தார்.

 

இந்த இசை நிகழ்ச்சியானது டிசம்பர் மாதம் 21ஆம் திகதி யாழ்ப்பாணம் முற்றவெளி அரங்கில் முற்றிலும் இலவசமாக நடத்தப்படவுள்ளது. இதற்கான நுழைவுச்சீட்டுகள் எதிர்வரும் நாட்களில் வழங்கப்படும் என ஏற்பாட்டுக் குழு தெரிவித்துள்ளது.

 

மேலும், யுத்தகால சூழல் மற்றும் கொரோனா தாக்கங்களில் பல்வேறு சிரமங்களை எதிர்நோக்கிய வடக்கு, கிழக்கு மக்களின் மத்தியில் அவர்களின் மனங்களை ஆற்றுப்படுத்தும் விதமாக எந்த ஒரு செயற்பாடுகளோ கலை நிகழ்வுகளுடன் பெற்றுள்ளது என கூற முடியாது. அந்த வகையில் வடக்கு, கிழக்கு மக்களுக்கு சிறந்த ஒரு பொழுதுபோக்கு நிகழ்வாகவும் Magic groupஇன் யாழ். வருகையை பிரபல்யப்படுத்தும் நோக்கோடு பாடகரும் இசையமைப்பாளருமான ஹரிஹரன் தலைமையிலான இசை நிகழ்ச்சி ஒன்றினை NothernUni யாழ்ப்பாணத்தில் வழங்கவுள்ளது என ஏற்பாட்டாளர்கள் தெரிவித்தனர்.