மாரிமுத்துவின் கடைசி நிமிடங்கள் குறித்து எதிர்நீச்சல் தொடரில் நடித்துவரும் கமலேஷ் உருக்கமாக பேசியுள்ளார்.

 

நடிகர் மாரிமுத்து மாரடைப்பால் இன்று காலமானார். டப்பிங் பணியின் போது ஏற்பட்ட அசௌகரியத்தை தொடர்ந்து, அவரே மருத்துவமனைக்கு காரை ஓட்டி சென்று அட்மிட் ஆகியுள்ளார். மருத்துவர்கள் அவருக்கு சிகிச்சை அளித்துக் கொண்டிருந்தபோதே அவரது உயிர் சில நிமிடங்களிலேயே பிரிந்தது.

 

 

நடிகர் மாரிமுத்துவின் உடல் மதியம் 3 மணி வரை சாலிகிராமத்தில் உள்ள அவரது வீட்டில் அஞ்சலிக்காக வைக்கப்பட்டு பின் சொந்த ஊர் என்று தேனி மாவட்டம் வருசநாடுக்கு எடுத்துச் செல்லப்படுகிறது. அவரது மறைவு பிரபலங்கள் மற்றும் ரசிகர்களிடையே பெரும் சோகத்தை ஏற்படுத்தியுள்ளது.

 

 

எதிர்நீச்சல் தொடரில் ஆதி குணசேகரனாக மாரிமுத்து கலக்கினார். அவர் பேசும் வசனங்கள் சமூக வலைதளங்களில் வைரலாகின. மேலும் சமீபத்தில் வெளியான ஜெயிலர் படத்திலும் முக்கியமான வேடத்தில் நடித்திருந்தார்.

 

அவரது மறைவு குறித்து எதிர்நீச்சலில் அவருடன் இணைந்து நடித்துவரும் கமலேஷ் அவர் பேசியதாவது, அவர் எப்பொழுதும் சுறுசுறுப்பாக இருப்பார். ஆரோக்கியமாக இருப்பார். இன்று காலை டப்பிங் பண்ணிட்டு இருந்தாரு. அவருக்கு அடுத்து நான் டப் பண்ணனும். அதனால் நான் கூட தான் இருந்தேன். அப்போ ரொம்ப மூச்சுத்திணறலா இருக்குனு சொல்லிட்டு வெளியே வந்தாரு. எங்க கிட்ட கூட சொல்லாம அவரே வண்டி ஓட்டிட்டு மருத்துவமனைக்கு சென்றுவிட்டார். அங்கு இறங்கும்போதே அவரால் முடியவில்லை. மருத்துவமனையில் இருப்பவர்கள் அவரை அனுமதித்திருக்கிறார்கள். அப்போது உடனடியா இறந்துட்டாரு என்று குறிப்பிட்டுள்ளார்.