படங்களிலும், சீரியல்களிலும் நடித்து வரும் பிரபல குணச்சித்திர நடிகர் மாரிமுத்துவின் பெயரில் பதிவிடப்பட்டுள்ள டுவிட்டர் பதிவு பேசு பொருள் ஆகி உள்ளது.

 

தமிழ் சினிமாவில் இயக்குனராக வேண்டும் என்கிற கனவோடு வந்தவர் மாரிமுத்து. பிரசன்னா நடித்த கண்ணும் கண்ணும் உள்பட சில திரைப்படங்களை இயக்கியுள்ள இவருக்கு இயக்குனராக பெரிய அளவில் அங்கீகாரம் கிடைக்காததன் காரணமாக தற்போது முழுநேர நடிகராக களமிறங்கி கலக்கிக் கொண்டு இருக்கிறார் மாரிமுத்து. ஜீவா, பரியேறும் பெருமாள், கொம்பன் என பல்வேறு வெற்றிப்படங்களில் நடித்துள்ள இவர் தற்போது சீரியலிலும் மாஸ் காட்டி வருகிறார்.

 

குறிப்பாக திருச்செல்வம் இயக்கத்தில் ஒளிபரப்பாகி வரும் எதிர்நீச்சல் சீரியலில் இவரது கேரக்டர் வேறலெவலில் ஹிட் அடித்து உள்ளது. இப்படி பாப்புலரான நடிகராக வலம் வந்துகொண்டிருக்கும் மாரிமுத்து தற்போது சர்ச்சை ஒன்றில் சிக்கி உள்ளார். அதன்படி டுவிட்டரில் 18+ கண்டெண்ட்டுகளை போடும் கணக்கு ஒன்றிலிருந்து, அரைகுறை ஆடையுடன் இருக்கும் பெண்ணின் புகைப்படத்தை பதிவிட்டு “Can I call you” என்று குறிப்பிடப்பட்டு இருந்தது.

 

 

இதற்கு நடிகர் மாரிமுத்துவின் பெயருடன் கூடிய டுவிட்டர் கணக்கில் இருந்து உடனடியாக ரிப்ளை வந்ததை பார்த்து அவரது ரசிகர்கள் அதிர்ச்சி அடைந்தனர். அந்த ரிப்ளையில் yes என பதிலளித்து தன்னுடைய மாரிமுத்துவின் மொபைல் நம்பரும் குறிப்பிடப்பட்டு இருந்தது. இதில் ஷாக்கிங் விஷயம் என்னவென்றால் அது உண்மையிலேயே நடிகர் மாரிமுத்துவின் மொபைல் நம்பர் தான். அந்த நம்பர் ட்ரூ காலரில் தேடிப்பார்த்து அது அவரது நம்பர் என உறுதியானதால் தான் இந்த டுவிட் வைரல் ஆனது.

 

இது சமூக வலைதளங்களில் பேசுபொருள் ஆகிவந்த நிலையில், இதற்கு மாரிமுத்துவின் மகன் அகிலன் டுவிட்டரில் விளக்கம் அளித்துள்ளார். அதன்படி அது மாரிமுத்துவின் டுவிட்டர் அக்கவுண்ட் இல்லை என்றும் யாரோ அவரின் மொபைல் எண்ணை தவறாக பயன்படுத்தி உள்ளதாகவும் கூறி உள்ளார். அவரின் இந்த விளக்கத்துக்கு பின்னர் அந்த Fake ID டெலிட் செய்யப்பட்டு உள்ளது. இதன்மூலம் பரபரப்பாக பேசப்பட்டு வந்த மாரிமுத்துவின் டுவிட்டர் பதிவுக்கு எண்ட் கார்டு போடப்பட்டு உள்ளது.