தெலுங்கு பட விழாவில் கவர்ச்சி உடையில் வந்து கலந்துகொண்ட நடிகை தமன்னாவிடம் பிரபல நடிகர் தன்னோடு டேட்டிங்கிற்கு வருமாறு கேட்டு அதிர்ச்சி கொடுத்தார்.

 

 

நடிகை தமன்னா, வட இந்தியாவை சேர்ந்தவராக இருந்தாலும், அவரை பாப்புலர் ஆக்கியது தென்னிந்திய சினிமா. இவர் தமிழில் கேடி திரைப்படம் மூலம் அறிமுகமானார். இதையடுத்து கல்லூரி படத்தில் கனமான கதாபாத்திரத்தில் நடித்த தமன்னா, அதன்பின்னர் முன்னணி நடிகர்களின் பட வாய்ப்புகளை பிடிப்பதற்காக கிளாமர் அவதாரத்திற்கு மாறினார்.

 

 

இதன் எதிரொலியாக அவருக்கு விஜய், அஜித், சூர்யா, தனுஷ் போன்ற முன்னணி நடிகர்களுடன் ஜோடி சேர்ந்து நடிக்கும் வாய்ப்பு கிடைத்தது. குறுகிய காலத்தில் கோலிவுட்டில் முன்னணி நடிகையாக வலம் வந்த தமன்னாவுக்கு தற்போது தமிழில் பட வாய்ப்புகள் இல்லாததால், அவர் தெலுங்கு திரையுலகில் தஞ்சம் அடைந்துவிட்டார்.

 

 

அங்கு அவர் நடிப்பில் தற்போது குர்டுண்டா சீதகளம் என்கிற திரைப்படம் தயாராகி உள்ளது. இப்படத்தில் தெலுங்கில் முன்னணி ஹீரோவாக இருக்கும் சத்யதேவ்வுக்கு ஜோடியாக நடித்துள்ளார் தமன்னா. இப்படம் வருகிற டிசம்பர் 9-ந் தேதி திரையரங்குகளில் ரிலீசாக உள்ளது. இதையொட்டி இப்படத்தின் புரமோஷன் பணிகளும் படுஜோராக நடந்து வருகிறது.

 

 

இந்நிலையில், சமீபத்தில் நடந்த இப்படத்தின் ப்ரீ ரிலீஸ் நிகழ்ச்சியில் பிரபல தெலுங்கு நடிகர் ஆத்வி சேஷ் சிறப்பு விருந்தினராக கலந்துகொண்டார். இந்த விழாவிற்கு வெறும் கோர்ட் மட்டும் அணிந்து தொடை முழுவதும் தெரிய படுகவர்ச்சியாக வந்து கலந்துகொண்டார் தமன்னா. அவரிடம் புரபோஸ் செய்யுமாறு தொகுப்பாளர் கேட்டுக்கொண்டதை அடுத்து நடிகர் ஆத்வி சேஷ் உடனடியாக, தன்னோடு டேட்டிங்கிற்கு வருமாறு கேட்டு அதிர்ச்சி கொடுத்தார். இதற்கு எந்தவித பதிலும் அளிக்காமல் சிரித்தே மழுப்பிவிட்டார் தமன்னா.