கன்னடத்தில் உருவான காந்தாரா திரைப்படம் ரூ. 350 கோடி வசூலை நெருங்கிக் கொண்டிருக்கும் நிலையில் அதனைப் போலவே சூப்பர் த்ரில்லர் படங்கள் ஓடிடியில் உள்ளன. அவற்றில் 7 முக்கிய படங்களை பார்க்கலாம்ஸ

 

 

 

ITTEFAQ – நெட் ஃப்ளிக்ஸ்ஸ

 

ஒரு இரட்டைக் கொலை நடக்கிறது. அதை மையப்படுத்திய கதை, படத்தின் கடைசி நிமிடம் வரையில் த்ரில்லிங்காக காட்சிப்படுத்தப்பட்டுள்ளது. அக்சய் கன்னா, சித்தார்த் மல்ஹோத்ரா, சோனாக்ஷி சின்ஹா உள்ளிட்டோர் நடித்துள்ளனர்.

 

 

 

எ டெத் இன் தி கஞ்ச் – அமேசான் ப்ரைம்

 

1970களில் நடக்கும் பீரியட் கதை. அப்பாவி பையன் தன் தந்தையின் மரணம் குறித்த விசாரணையில் இறங்குகிறார். அப்போது ஏற்படும் எதிர்பாராத திருப்பங்கள்தான் படத்தின் கதை. விக்ராந்த் மாஸி, திலோத்தமா ஷோம், ஓம் பூரி, தனுஜா உள்ளிட்டோர் நடித்துள்ளனர்.

 

 

 

புல் புல் – நெட் ஃப்ளிக்ஸ்

 

20ஆம் நூற்றாண்டில் நடக்கும் பீரியட் கதை. இயற்கைக்கு மாறாக ஆண்கள் ஒரு கிராமத்தில் மரணம் அடைகின்றனர். சஸ்பென்ஸ் த்ரில்லரான இந்த படம் நல்ல வரவேற்பை பெற்றது.

 

 

 

ஏகே vs ஏகே – நெட் ஃப்ளிக்ஸ்

 

அனில் கபூர் – அனுராக் கஷ்யப் இடையே நடக்கும் போராட்டம்தான் படத்தின் கதை. நடிகரின் மகளை தோல்விப் பட இயக்குனர் கடத்தி விடுகிறார். அதன்பின் மகளை மீட்க தந்தை நடத்தும் போர்தான் இந்தப் படம்.

 

 

 

தும்பாட் – அமேசான் ப்ரைம்

 

1918 – 1947 களில் நடக்கும் கதை. புதையலை தேடும் குடும்பத்தை சுற்றி நடக்கும் கதை. அந்த புதையலை அமானுஷ்ய சக்திகள் பாதுகாக்கும். காந்தாரா படத்திற்கு இணையான அனுபவத்தை இந்த படம் கொடுக்கும்.

 

 

 

ராத் அகேலி ஹே – நெட் ஃப்ளிக்ஸ்

 

திருமணம் முடிந்த இரவன்று தேசபக்தர் ஒருவர் கொல்லப்படுகிறார். அதனை கண்டுபிடிக்கும் போலீஸ்காரராக பேட்ட பட வில்லன் நவாசுதீன் சித்தீகி நடித்திருப்பார். ராதிகா ஆப்தே, ஸ்வேதா திரிபாதி உள்ளிட்டோர் முக்கிய கதாப்பாத்திரங்களில் நடித்துள்ளனர்.

 

 

 

ஆரண்ய காண்டம் – டிஸ்னி ப்ளஸ் ஹாட்ஸ்டார்

 

போதைப் பொருள் மூட்டை காணமால் போக, அந்த சம்பவம் கேங் வாரை ஏற்படுத்தி விடுகிறது. சம்பத், ஜாக்கி ஷெராப், ரவிகிருஷ்ணா, யாஸ்மின் பொன்னப்பா உள்ளிட்டோர் இந்த படத்தில் நடித்துள்ளனர்.