!

 

சின்னத்திரை ரசிகர்கள் மத்தியில் பிரபலமானவர் நடிகை ஸ்ரீநிதி. விஜய் டிவியில் அறிமுகமாகி யாரடி நீ மோகினி சீரியலில் பட்டி தொட்டி எங்கும் பிரபலமானார் நடிகை ஸ்ரீநிதி. வலிமை படம் குறித்து இவர் பகிர்ந்த வீடியோ ஒன்று கடும் சர்ச்சைகளை கிளப்பியது. இந்நிலையில் ஸ்ரீநிதிமருத்துவமனையில் அனுமதிக்கப்பட்டுள்ளதாக தகவல்கள் வெளியாகியுள்ளன.

 

 

 

'வலிமை' படம் தொடர்பாக ஸ்ரீநிதி பகிர்ந்த நெகட்டிவ் விமர்சனங்கள் அஜித் ரசிகர்கள் மத்தியில் கடும் கொந்தளிப்பை ஏற்படுத்தியது. இதனை தொடர்ந்து ரசிகர்கள் இவரை சமூக வலைத்தள பக்கங்களில் கண்டமேனிக்கு கழுவி ஊற்றி வைத்தனர். இது ஒரு புறம் இருக்க, சமீபத்தில் டிப்ரஷன் தொடர்பாக ஸ்ரீநிதி பகிர்ந்திருந்த விஷயங்கள், அதிகம் பரபரப்பை உண்டு பண்ணியது.

 

 

 

இந்நிலையில் கடந்த சில வாரங்களுக்கு முன்பாக சிம்பு தன்னை காதலிப்பதாக கூறி அவர் வீட்டின் முன்பு தர்ணாவில் ஈடுபட்ட சம்பவம் பெரும் பரபரப்பை ஏற்படுத்தியது. அதனை தொடர்ந்து அவரது அம்மா, ஸ்ரீநிதி டிப்ரஷனில் இருப்பதாலே இப்படியெல்லாம் பேசுவதாகவும், அவரை யாரும் திட்ட வேண்டாமென்றும் கோரிக்கை வைத்திருந்தார்.

 

 

 

மேலும் சின்னத்திரை நடிகை நட்சத்திராவின் திருமணம் தொடர்பாக இவர் வெளியிட்ட வீடியோவும் கடும் பரபரப்பை கிளப்பியது. இந்நிலையில் சென்னை புறநகரான புழல் பகுதியில் அமைந்துள்ள ஒரு சிகிச்சை மையத்தில் ஸ்ரீநிதியைக் கவுன்சிலிங் மற்றும் சிகிச்சைக்காகச் சேர்த்துள்ளதாக அவருக்கு நெருக்கமான நட்பு வட்டத்தினர் தெரிவித்துள்ளனர்.

 

 

 

கடந்த சில நாட்ளாகவே கடும் மன அழுத்தத்தில் இருப்பதாக கூறப்பட்ட நிலையில் தற்போது மருத்துவமனையில் அனுமதிக்கப்பட்டுள்ளார் ஸ்ரீநிதி. அவர் ’பழைய ஸ்ரீநிதியாய்த் திரும்பி வருவார்’ என நிச்சயம் நாங்கள் நம்புகிறோம்’ என தெரிவித்துள்ளனர் நண்பர்கள்.