பிரபல நடன இயக்குநரான சின்னா காலமானார். அவருக்கு வயது 69.

 

 

தமிழ் சினிமாவின் முன்னணி நடன இயக்குனர்களில் ஒருவர் சின்னா. 69 வயதான இவர் இயக்குனர் பாக்கியராஜ் இயக்கத்தில் வெளியான 'தூரல் நின்னு போச்சு' படத்தின் மூலம் நடன இயக்குனராக அறிமுகமானர்.

 

 

தொடர்ந்து பாக்கியராஜின் டார்லிங் டார்லிங் டார்லிங், முந்தானை முடிச்சு உள்ளிட்ட பல படங்களில் நடன இயக்குநராக பணியாற்றியுள்ளார். மேலும் அமராவதி, வைதேகி காத்திருந்தாள், வானத்தைப் போல, செந்தூரப்பாண்டி, நேசம் உள்ளிட்ட 200க்கும் மேற்பட்ட படங்களுக்கு நடனம் அமைத்து கொடுத்துள்ளார்.

 

 

இந்நிலையில் நடன இயக்குனர் சின்னா நேற்று முன்தினம் காலமானார். உடல்நலக் குறைவால் பாதிக்கப்பட்டிருந்த அவர் சிகிச்சைப் பலனின்றி உயிரிழந்தார். அவர் மரணமடைந்த தகவல் அவரது மகளும் சீரியல் நடிகையுமான ஜெனிஃபர் தனது சமூக வலைதள பக்கத்தில் தெரிவித்துள்ளார்.

 

 

சின்னாவின் மறைவுக்கு திரையுலகினர் மற்றும் ரசிகர்கள் சமூக வலைதள பக்கங்களில் இரங்கல் தெரிவித்து வருகின்றனர். சின்னாவின் மகள் ஜெனிஃபர் புவனேஸ்வரி, நாகலட்சுமி, லட்சுமி ஸ்டோர்ஸ், பாக்கியலட்சுமி, அம்மன் உள்ளிட்ட பல சீரியல்களில் நடித்துள்ளார்.