ஜெனரல் ஹாஸ்பிடல், அமெரிக்கன் ஹவுஸ்ஒயிஃப்ஸ் உள்ளிட்ட தொலைக்காட்சி தொடர்களில் நடித்தவர் லின்ட்சே பேர்ல்மேன். லாஸ் ஏஞ்சல்ஸ் நகரில் வசித்து வந்த 43 வயதான லின்ட்சே கடந்த ஞாயிற்றுக்கிழமை மதியத்தில் இருந்து காணாமல் போனார்.

 

இது குறித்து போலீசில் தகவல் அளிக்கப்பட்டது. மேலும் லின்ட்சேவை கண்டுபிடித்து கொடுப்பவர்களுக்கு பரிசு வழங்கப்படும் என்று அவரது குடும்பத்தார் அறிவித்தார்கள்.

 

 

இந்நிலையில் ஹாலிவுட் பகுதியில் லின்ட்சே இறந்து கிடந்தது வெள்ளிக்கிழமை கண்டுபிடிக்கப்பட்டது. அவர் திடீர் என்று மாயமானது, பின்னர் பிணமாகக் கிடந்தது குறித்து போலீசார் விசாரணை நடத்தி வருகிறார்கள்.

 

லின்ட்சேவின் கணவர் வின்ஸ் ஸ்மித் இன்ஸ்டாகிராமில் கூறியிருப்பதாவது,

 

லின்ட்சே இறந்துவிட்டார். நான் உடைந்துபோய்விட்டேன். உங்களின் அன்புக்கும், முயற்சிக்கும் நன்றி என தெரிவித்துள்ளார்.

 

லின்ட்சேவின் மரணம் குறித்து அறிந்த சின்னத்திரை பிரபலங்கள் அதிர்ச்சி அடைந்துள்ளனர். லின்ட்சே இறந்துவிட்டார். இனி வரவே மாட்டார். அவருக்கு இப்படி ஒரு முடிவு ஏற்பட்டிருக்கக் கூடாது. லின்ட்சேவை கண்டுபிடிக்க முயற்சி செய்த அனைவருக்கும் நன்றி.

 

அவரின் ஆத்மா சாந்தியடைய பிரார்த்தனை செய்யுங்கள் என பிரபலங்கள் சமூக வலைதளங்களில் தெரிவித்துள்ளனர்.