இவர்தான் தமிழ் சினிமாவில் அடுத்த சூப்பர்ஸ்டார்.!அடித்து சொல்லும் ராதா ரவி.
27 Jan,2022
தமிழ் சினிமாவில் பல படங்களில் வில்லனாக மிரட்டியவர் ராதா ரவி
. 90 ஸ் கிட்ஸ் இவரை படத்தில் கண்டாலே அலறிவிடுவார். அந்த அளவிற்கு தன் வில்லத்தனத்தால் பயமுறுத்தியவர் ராதா ரவி.குறிப்பாக முத்து படத்தில் அந்த அம்பலத்தானாக வந்து இவர் பண்ணிய அலப்பறைகள் இன்னமும் ரசிகர்கள் மனதில் இருக்கின்றது.
தற்போதும் பல படங்களில் குணச்சித்திர கதாபாத்திரங்களில் நடித்து கலக்கி வருகிறார் ராதா ரவி. இந்நிலையில் சமீபத்தில் இவர் ஒரு நடிகரை குறிப்பிட்டு இவர்தான் அடுத்த சூப்பர்ஸ்டார் என் கூறியது பரபரப்பை ஏற்படுத்தியுள்ளது. நடிகர் முரளியின் மகனான அதர்வா பாணா காத்தாடி படத்தின் மூலம் தமிழ் சினிமாவில் ஹீரோவாக அறிமுகமானார்.
முதல் படத்திலேயே வெற்றியை பதிவு செய்த அதர்வா அடுத்ததாக பாலா இயக்கத்தில் பரதேசி படத்தில் நடித்தார். இப்படம் அதர்வாவை நடிகராக அடுத்தகட்டத்துக்கு கொண்டு சென்றது. அதன் பின் பல படங்களில் நடித்த அதர்வா பிரபலமான நடிகரானார். ஆனால் சமீபத்தில் இவர் நடிப்பில் வெளிவரும் படங்கள் வந்ததும் தெரியாமல் போவதும் தெரியாமல் உள்ளது.
ஒரு மெகா வெற்றிக்காக காத்துக்கொண்டிருக்கும் அதர்வா தற்போது குருதி ஆட்டம் படத்தில் நடித்துவருகிறார். இப்படம் விரைவில் திரைக்கு வரவிருக்கிறது. இந்நிலையில் தற்போது ராதா ரவி அதர்வா தான் அடுத்த சூப்பர்ஸ்டார் என கருத்து தெரிவித்துள்ளார்.
தற்போது அதர்வாவுடன் ஒரு படத்தில் இணைந்து நடிக்கும் ராதா ரவி ஒரு காட்சியில் அதர்வா நடிப்பை பார்த்து அழுத்துவிட்டாராம். பொதுவாக ராதா ரவி மற்றவர்கள் நடிப்பை பார்த்து அழுததில்லையாம். ஆனால் அதர்வாவின் அசாதாரண நடிப்பை பார்த்து அழுதுவிட்டதாக தெரிவித்திருக்கிறார்.
மேலும் இவரின் நடிப்பு திறமைக்கு விரைவில் இவர் சூப்பர் ஸ்டாராக வருவார் எனவும் கூறியுள்ளார். தமிழ் சினிமாவில் பல ஆண்டுகளால அடுத்த சூப்பர்ஸ்டார் யார் என்ற கேள்வி ரசிகர்களிடையே நிலவி வருகின்றது. அஜித், விஜய், சிம்பு, தனுஷ் ஆகியோரின் ரசிகர்கள் தங்கள் ஹீரோ தான் அடுத்த சூப்பர்ஸ்டார் என்று சொல்லிவருகின்றனர்.
இந்நிலையில் நடிகர் ராதா ரவி அடுத்த சூப்பர்ஸ்டார் அதர்வா தான் என கூறியிருப்பது ரசிகர்களிடையே பரபரப்பை ஏற்படுத்தியுள்ளது என்பது குறிப்பிடத்தக்கது.