நடிகர் தனுஷ் காதலித்து ரஜினியின் மகள் ஐஸ்வர்யாவை திருமணம் செய்துகொண்டார். 2004 ஆம் ஆண்டு இவர்களுக்கு திருமணம் நடந்தது. இருவருக்கும் யாத்ரா, லிங்கா என இரு மகன்கள் இருக்கின்றனர். 18 ஆண்டுகள் சேர்ந்து வாழ்ந்த இவர்கள் பிரியப்போவதாக சில தினங்களுக்கு முன் அறிவித்தனர்.

 

 

இது திரையுலகிற்கும், ரசிகர்களுக்கும் மிகப்பெரிய ஷாக்காக இருந்தது. யாரும் சற்றும் எதிர்பார்க்காத இவர்களது பிரிவு இணையத்தில் பேசும் பொருளாக மாறியது. தற்போது இவர்கள் இருவரும் தங்கள் வேலைக்காக ஹைதராபாத்தில் ஒரே ஹோட்டலில் தனி தனியே தங்கி இருப்பதாக செய்திகள் வந்தன.

 

 

இந்நிலையில் இந்த பிரிவு இவர்களது மகன்களான யாத்ரா மற்றும் லிங்காவை மிகவும் பாதித்துள்ளதாக தெரிகிறது. மூத்த மகனான யாத்ராவிற்கு 15 வயதும், லிங்காவிற்கு 10 வயதும் ஆகிறது. இவர்கள் இருவரும் அப்பா தனுஷ் மற்றும் அம்மா ஐஸ்வர்யா மீதும் அளவுகடந்த பாசம் வைத்திருக்கின்றனர்.

 

வேலை விஷயமாக தனுஷ் மற்றும் ஐஸ்வர்யா வெளியில் செல்லும்போது ரஜினியின் இல்லத்தில் தான் இருவரும் இருப்பார்கள். குறிப்பாக யாத்ரா அனைவரிடமும் அறிவுபூர்வமாக கேள்விகளை கேட்டுக்கொண்டு அனைவரையும் அசரவைப்பாராம். அந்த வகையில் தங்களது பெற்றோர்களின் விவாகரத்தைப்பற்றி இவர் ரஜினியிடம் ஒரு கேள்வியை கேட்டுள்ளார்.

 

 

உன் பெற்றோர்களை விரைவில் சேர்த்து வைத்துவிடுவோம், அதுவரை நீங்கள் யாருடன் இருக்க விரும்புறீர்கள், அப்பாவிடமா இல்லை அம்மாவிடமா என கேட்டுள்ளார் ரஜினி. அதற்கு பதிலளித்த யாத்ரா இதேபோல் என் அப்பாவிடம் நீங்கள் யாருடன் இருக்க விரும்புறீங்க அம்மாவிடமா இல்லை அப்பாவிடமா என்று கேட்டால் அவர் அதற்கு என்ன பதிலளிப்பார். இதேபோல் என் அம்மாவிடமும் கேட்டால் அவர் என்ன பதிலளிப்பார்.

 

எனக்கு இரண்டு பேருடன் சேர்ந்து இருக்கத்தான் விருப்பம் என்று கூறியிருக்கிறாராம்.இந்த பதிலை யாத்ராவிடமிருந்து சற்றும் எதிர்பார்க்காத ரஜினி அதிர்ந்துவிட்டாராம். இருவர்களுக்காவது தனுஷ் மற்றும் ஐஸ்வர்யா மீண்டும் சேரவேண்டும் என்று நினைக்கிறாராம் ரஜினி. இருவரையும் சேர்த்து வைக்க தற்போது தீவிர பேச்சுவார்த்தை நடத்த திட்டமிட்டுள்ளார்கள் என்பது குறிப்பிடத்தக்கது.