பிரபல நடிகை கிம் மி சூ இறந்துவிட்டார் என்று அறிவிக்கப்பட்டுள்ளது. ஆனால் மரணத்திற்கான காரணம் தெரியவில்லை.

 

பிரபல தென் கொரிய சீரியலான ஸ்னோடிராப்பில் நடித்து வந்தவர் கிம் மி சூ. 31 வயதான கிம் இறந்துவிட்டதாக அவரின் ஏஜென்சியான லேண்ட்ஸ்கேப் என்டர்டெயின்மென்ட் அறிவிப்பு வெளியிட்டுள்ளது.

 

 

நடிகை கிம் மி சூ ஜனவரி 5ம் தேதி திடீர் என்று மரணம் அடைந்தார் என்கிற துக்க செய்தியை தெரிவித்துக் கொள்கிறோம். இந்த திடீர் சோக செய்தியால் அவரின் குடும்பத்தார் மனமுடைந்து இருக்கிறார்கள்.

 

கிம்மின் மரணம் பற்றி வதந்திகள், கணிப்புகளை பரப்ப வேண்டாம் என்று கேட்டுக் கொள்கிறோம். கிம் மி சூவின் ஆத்மா சாந்தியடைய தயவு செய்து பிரார்த்தனை செய்யுங்கள். எங்களின் ஆழ்ந்த இரங்கலை தெரிவித்துக் கொள்கிறோம் என்றது.

 

 

ஸ்னோடிராப் தவிர்த்து நெட்ஃப்ளிக்ஸ் தொடரான Hellbound-லும் நடித்திருக்கிறார் கிம்.

 

ஸ்னோடிராப் சீரியலில் இயோ யுங் மின் என்கிற கதாபாத்திரத்தில் நடித்து வந்தார் கிம் மி சூ. அவரின் இறுதிச் சடங்கு குடும்பத்தாரின் விருப்பப்படி அமைதியான முறையில் நடைபெறும் என்று தெரிவிக்கப்பட்டுள்ளது.