நடிக்க வந்ததும் பெரிய ஆளாகிவிடவில்லை விக்ரம். அவருக்கு அழகும், திறமையும் இருந்தும் கூட வெற்றி பெற முடியவில்லை. ராசியில்லாத ஹீரோ என்று ஒதுக்கி வைக்கப்பட்டிருந்த விக்ரமுக்கு பாலாவின் சேது படம் தான் புது வாழ்க்கை கொடுத்தது.

 

அதன் பிறகு விக்ரமுக்கு வெற்றி மேல் வெற்றி தான். இந்நிலையில் இயக்குநர் பாலாவிடம் விக்ரம் கூறியது பற்றி தற்போது சமூக வலைதளங்களில் பேசப்படுகிறது.

 

ரொம்ப கஷ்டமா இருக்கா விக்ரம் என்று பாலா கேட்டதற்கு, இல்ல பாலா, நான் நிறைய அவமானங்களை சந்திச்சிட்டேன். நான் ஆக்சிடென்ட்ல அடிபட்டு கிடந்தப்போ என் சொந்தக்காரர் ஒருத்தர், 'உனக்குனு சினிமாவுல ஏதாவது நொண்டி கேரக்டர் கிடைக்கும்னு ' சொன்னார். நாம ஜெயிக்கணும் பாலா.

 

பழிவாங்குறதுனா அடிக்கறது, அவமானப்படுத்துறது மட்டுமல்ல... அவங்க கண்ணு முன்னால நாம ஜெயிக்கணும். முன்னாடி நான் தனியா இருந்தேன். இப்போ நீங்க கூட இருக்கீங்க. சேர்ந்து ஜெயிப்போம் பாலா என்றார் விக்ரம் என்கிற வாசகத்தை ரசிகர்கள் ஷேர் செய்து கொண்டிருக்கிறார்கள்.

 

விக்ரம் நடப்பதே கடினம் என்று கூறப்பட்ட நிலையில் அவர் தன் தன்னம்பிக்கையால் எழுந்து நின்றார் என ரசிகர்கள் பெருமையாக பேசிக் கொண்டிருக்கிறார்கள்.