கன்னட படங்களில் நடித்து வந்தவர் சிவராம். அவர் படங்களில் நடித்ததுடன் இயக்கவும், தயாரிக்கவும் செய்திருக்கிறார். 60 ஆண்டுகளாக திரையுலகில் இருந்து வந்த சிவராம் நவம்பர் 30ம் தேதி தன் வீட்டில் பூஜை செய்தபோது மயங்கி விழுந்தார். அவருக்கு மூளையில் ரத்தக் கசிவு ஏற்பட்டது.

 

பெங்களூரில் இருக்கும் தனியார் மருத்துவமனை ஒன்றில் அனுமதிக்கப்பட்ட சிவராமின் உடல் நிலையில் முன்னேற்றம் ஏற்படவில்லை.

 

இந்நிலையில் அவர் சிகிச்சை பலனின்றி டிசம்பர் 4ம் தேதி உயிரிழந்தார். அவரின் மரண செய்தி அறிந்த கர்நாடக மாநில முதல்வர் பசவராஜ் பொம்மை தன் ஆழ்ந்த இரங்கலை தெரிவித்தார்.

 

கன்ன திரையுலகிற்கு இது மிகப் பெரும் இழப்பு என்றார் பொம்மை. மேலும் சிவராமின் மரண செய்த அறிந்த கன்னட திரையுலகினரும், ரசிகர்களும் கவலை அடைந்தனர். சிவராமின் ஆத்மா சாந்தியடைய பிரார்த்தனை செய்வதாக தெரிவித்தனர்.

 

 

உதவி இயக்குநராக தன் கெரியரை துவங்கியவர் சிவராம். 1972ம் ஆண்டு வெளியான ஹ்ருதய சங்கமா படத்தை இயக்கினார். மேலும் ரஜினியின் தர்மதுரை உள்ளிட்ட சில படங்களை தயாரிக்கவும் செய்திருக்கிறார்.