தொலைக்காட்சிகளில் தற்போது ரியாலிட்டி ஷோக்களை தான் போட்டிபோட்டு உருவாக்கி வருகின்றன. அதிலும் விஜய் டிவியின் பிக் பாஸ் நிகழ்ச்சி கடந்த நான்கு வருடங்களாக பெரிய ஹிட் ஆகி இருக்கிறது. அதனால் அடுத்தடுத்த சீசன் மீது பெரிய எதிர்பார்ப்பு தொடர்ந்து இருந்து வருகிறது.

 

மேலும் சன் டிவி தற்போது மாஸ்டர் செஃப் என்கிற ரியாலிட்டி ஷோவை தொடங்கி இருக்கிறது. அதை விஜய் சேதுபதி தொகுத்து வழங்கி வருகிறார். தற்போது ஜீ தமிழும் ஒரு பிரம்மாண்ட நிகழ்ச்சியுடன் போட்டியில் குதித்திருக்கிறது.

 

இந்நிலையில் ஜீ தமிழ் பிரம்மாண்டமான ரியாலிட்டி ஷோவான சர்வைவர் நிகழ்ச்சியை தமிழுக்கு கொண்டு வந்திருக்கிறது. தனி தீவில் போட்டியாளர்களை கொண்டு சென்று அங்கு அவர்களே அனைத்தையும் தாக்கு பிடித்து வாழ வேண்டும்.இந்த ஷோவை ஆக்ஷன் கிங் அர்ஜுன் தான் தொகுத்து வழங்க இருக்கிறார்.

 

 

சர்வைவர் ஷோவின் ப்ரொமோ வீடியோவை நடிகர் சிவகார்த்திகேயன் தற்போது வெளியிட்டு இருக்கிறார். அதில் நிகழ்ச்சியின் பரிசு ஒரு கோடி ருபாய் என்றும் அதை கஷ்டப்படாமல் ஜெயிக்க முடியாது என்றும் அர்ஜுன் கூறி இருக்கிறார்.

 

சர்வைவர் நிகழ்ச்சியில் போட்டியாளர்களாக தமிழ் சினிமா மற்றும் சின்னத்திரையில் பல முக்கிய பிரபலங்கள் கலந்துகொள்கின்றனர். விஜயலக்ஷ்மி, நந்தா, வனிதா விஜயகுமார், கோபிநாத் ரவி, ஸ்ரீ ரெட்டி, இந்திரஜா, ஜான் விஜய், விதியுலேகா, விஜே பார்வதி, ஷாலு ஷம்மு, அனிகா சுரேந்திரன், சஞ்சனா சிங் ஆகிய 12 போட்டியாளர்கள் கலந்துகொள்ளப்போவதாக டிவி நிர்வாகம் தெரிவித்து இருக்கிறது.

 

 

ப்ரொமோ வீடியோ பெரிய எதிர்பார்ப்பை ஏற்படுத்தி இருக்கும் நிலையில் துவங்கும் தேதி மட்டும் இன்னும் அறிவிக்கப்படவில்லை