என்னதான் காதல் பிரச்சனைகளில் சிக்கினாலும் தன்னுடைய சினிமா மார்க்கெட்டை கொஞ்சமும் இழந்துவிடாமல் நாளுக்குநாள் கோடிகளைக் குவித்து வருகிறார் நயன்தாரா. நயன்தாரா நடிப்பில் அடுத்தடுத்து நெற்றிக்கண், அண்ணாத்த போன்ற படங்கள் ரிலீஸுக்கு வரிசை கட்டிக் நிற்க்கின்றன.

 

நயன்தாராவின் சினிமா வாழ்க்கையை தவிர சொந்த வாழ்க்கையில் பல்வேறு விதமான காதல் பிரச்சனைகள் வந்து சென்றன. மேலும் சினிமாவை விட்டு ஒரு கட்டத்தில் விலகுவதாக அறிவித்த நயன்தாரா, மீண்டும் ரீ என்ட்ரி கொடுத்து தமிழ் மற்றும் தெலுங்கு சினிமாவில் முன்னணி நடிகையாக கலக்கிக் கொண்டிருக்கிறார்.

 

தமிழ் சினிமாவை பொறுத்தவரை அதிக சம்பளம் வாங்கும் ஹீரோயின் நயன்தாரா தான். தமிழ், தெலுங்கு, கன்னடம், மலையாளம் என அனைத்து மொழிகளிலும் நயன்தாரா பல நடிகர்களுடன் ஜோடி போட்டுள்ளார்.

 

எத்தனை நடிகர்கள் வந்து போனாலும் தனக்கு தல அஜித் மட்டும் தான் என்றைக்கும் ஃபேவரைட் நடிகர் என நயன்தாரா ஒரு பேட்டியில் குறிப்பிட்டுள்ளது அனைவருக்கும் நினைவிருக்கலாம். தல அஜீத்துடன் நயன்தாரா பில்லா படத்தில் தான் முதன்முதலாக ஜோடி சேர்ந்தார்.

 

அந்தப்படம் யாரும் எதிர்பார்க்காத வகையில் சூப்பர் டூப்பர் ஹிட்டடித்து நயன்தாரா மார்க்கெட்டை தூக்கி நிறுத்தியது. அதிலும் நீச்சல் உடை காட்சியெல்லாம் வேற லெவல். அதனைத் தொடர்ந்து ஏகன், ஆரம்பம், விஸ்வாசம் போன்ற படங்களில் இருவரும் ஜோடி போட்டு நடித்தனர்.

 

வலிமை படத்திற்கு பிறகு தல அஜித், சுதா கொங்கரா கூட்டணியில் இணையும் புதிய படத்திற்கும் நயன்தாரா தான் ஹீரோயின் என இப்போதே கோலிவுட் வட்டாரங்களில் பேச்சுக்கள் எழுகின்றன. அஜித்துடன் நடிப்பது அவ்வளவு பாதுகாப்பாக இருக்கும் என நயன்தாரா கூறியது நினைவுகூரத்தக்கது.