தமிழ் சினிமாவில் தனக்கென மிகப்பெரிய ரசிகர்கள் கூட்டத்தை கொண்டவர் சிம்பு. குறிப்பாக இவருக்கு ஆண் ரசிகர்களை விட, ஒரு காலத்தில் பெண் ரசிகர்கள் அதிகமாகவே இருந்தனர். இவர் திரைப்படங்கள் வெளியாகி சில வருடங்கள் ஆனபோதிலும் இவருக்கு ரசிகர்கள் மத்தியில் உள்ள மவுசு கொஞ்சம் கூட குறையவில்லை.

 

மேலும் தற்போது கேரளா சென்று உடல் எடையை குறைத்து வந்துள்ள சிம்பு, விரைவில் சுசீந்திரன் இயக்க உள்ள படத்திலும், மாநாடு படத்திலும் நடிக்க உள்ளார்.  தனக்கு இஷ்டமான கோவில்களுக்கு சென்று வந்த பின் விரைவில் சுசீந்திரன் இயக்கும் கிராமத்து கதையம்சம் கொண்ட படத்தில் இவர் நடிக்க உள்ளதாக தகவல் வெளியாகியுள்ளது.

 

 

அந்த வகையில் இன்று, தமிழ் திரைப்பட தயாரிப்பாளர் சங்கத் தேர்தலில் போட்டியிடுவது குறித்து செய்தியாளர்களை ரி.ராஜேந்தர் சந்தித்தார். அப்போது நிருபர்கள் சிம்புவுக்கும் நடிகை திரிஷாவுக்கும் திருமணம் நடக்க இருப்பதாக சமூக வலை தளங்களில் பரவி வருவது குறித்து கேள்வி எழுப்பினார்கள்.

 

இந்தக் கேள்விக்கு பதில் சொல்லாமல் நழுவிய ரி.ராஜேந்தர். சந்தடி சாக்கில் தண்ணீரை குடித்து விட்டு அடுத்த கேள்விக்கு பதிலை சொல்லியுள்ளார். இது அனைவரையும் பெரும் வியப்பில் ஆழ்த்தியுள்ளது.  அட ஒரு மனுஷன் இப்படி புதர் போடுவதா ?