இந்தியாவின் பிரபல தொலைக்காட்சியில் ஒளிபரப்பான பிக்போஸ் நிகழ்சி மூலம் பிரபல்யமான லொஸ்லியா தற்போது நடிகையாக அவதாரம் எடுத்து சில திரைப்படங்களில் நடித்து வருகிறார்.

 

இவர் தற்போது பிரண்ட்ஷிப் என்ற படத்தில் நடித்து வருகிறார். இந்தப் படம் கொரோனா பிரச்சினைகள் முடிந்து விரைவில் திரைக்கு வரும் என எதிர்ப்பார்க்கப்படுகிறது.

 

இந்த நிலையில் நடிகை லொஸ்லியா அடுத்து ஒரு கிரைம் திரில்லர் படத்தில் நடிக்கவுள்ளாராம். ராட்சசன், ஓ மை கடவுளே உள்ளிட்ட சூப்பர் ஹிட் படங்களை தயாரித்த Axcess Film Factory  தயாரிக்கும் இத்திரைப்படத்தில் ஹீரோவாக பூர்னேஷ் அறிமுகமாகவுள்ளார்.

 

இத்திரைப்படத்தை அறிமுக இயக்குநர் ராஜ சரவணன் இயக்கவுள்ளார். ஏனைய நடிகர்கள் மற்றும் தொழில்நுட்ப கலைஞர்கள் பற்றிய அறிவிப்பு விரைவில் வெளியாகும் என அறிவிக்கப்பட்டுள்ளது.