பிரபல நடிகர் ஒருவர் தனது மகளின் 25-வது பிறந்தநாளன்று, தனது மனைவி மீண்டும் கர்ப்பமாக உள்ளதாக அறிவித்துள்ளார்.

 

 

இந்தி திரையுலகில் பிரபல நடிகராக வலம் வருபவர் நடிகர் சயீப் அலிகான். இவர் கடந்த 1991-ம் ஆண்டு நடிகை அம்ரிதா சிங்கை மணந்து 2004-ல் விவாகரத்து செய்தார். இவர்களுக்கு சாரா அலிகான் என்ற மகள் உள்ளார். அவர் தற்போது பாலிவுட் படங்களில் நடிக்கிறார்.

 

கடந்த 2012-ம் ஆண்டு நடிகை கரீனா கபூரை 2-வது திருமணம் செய்து கொண்டார். இவர்களுக்கு தைமூர் என்ற ஆண் குழந்தை உள்ளது. தற்போது கரீனா கபூருக்கு 40 வயது ஆகும் நிலையில் அவர் மீண்டும் கர்ப்பமாகி இருக்கிறார்.

 

சயீப் அலிகான், சாரா அலிகான், கரீனா கபூர்

 

 

இதுகுறித்து அவர்கள் இருவரும் இணைந்து வெளியிட்டுள்ள அறிக்கையில், “எங்கள் குடும்பத்தில் விரைவில் இன்னொரு நபரை எதிர்பார்க்கிறோம். இதனை உங்களுக்கு வெளிப்படுத்துவதில் மகிழ்ச்சி அடைகிறோம். நலம் விரும்பிகள் அனைவருக்கும் மனமார்ந்த நன்றி” என்று தெரிவித்துள்ளனர்.

 

தனது முதல் மனைவியின் மகளும் நடிகையுமான சாரா அலிகானின் 25-வது பிறந்தநாளன்று சயீப் அலிகான் இந்த அறிவிப்பை வெளியிட்டது குறிப்பிடத்தக்கது.