பாலிவுட் நடிகர் ரன்பீர் கபூரை போன்ற தோற்றமுடைய நபர் மாரடைப்பால் உயிரிழந்தார்.

 

பாலிவுட் நடிகர் ரன்பீர் கபூரை போன்ற தோற்றமுடைய நபர் மாரடைப்பால் மரணம்

ரன்பீர் கபூர் மற்றும் ஜூனைத் ஷா

ஸ்ரீநகர்:

 

மறைந்த பாலிவுட் நடிகர் ரிஷி கபூரின் மகன் ரன்பீர் கபூர். இவரும் பாலிவுட்டில் மிகவும் பிரபலமான நடிகராக இருந்து வருகிறார். 

 

இதற்கிடையில், ரன்பீர் கபூரின் முகம் மற்றும் உடல் தோற்றமுடையவராக ஜூனைத் ஷா என்பவர் கருத்தப்பட்டார். கிட்டத்தட்ட அச்சு அசலாக ரன்பீர் கபூர் போன்றே இருந்த ஜூனைத் ஷா காஷ்மீரை சேர்ந்தவர். 

 

இவர் மும்பையில் மாடலிங் துறையில் வேலை செய்துள்ளார். மாடலிங்கின் போது சில இடங்களில் ரன்பீர் கபூரின் டூப்பாகவும் நடித்துள்ளார்.  

 

இந்நிலையில், காஷ்மீரின் ஸ்ரீநகரில் உள்ள இலஹி பேஹ் பகுதியில் குடும்பத்துடன் வசித்து வந்த ஜூனைத் ஷாவுக்கு கடந்த வியாழக்கிழமை திடீரென மாரடைப்பு ஏற்பட்டது. 

 

இதையடுத்து அவரை குடும்பத்தினர் அருகில் உள்ள மருத்துவமனைக்கு கொண்டு சென்றனர். அங்கு அவரை பரிசோதனை செய்த மருத்துவர் ஜூனைத் ஏற்கனவே இறந்து விட்டதாக தெரிவித்தார்.

 

ரன்பீர் கபூரை போன்ற தோற்றமுடைய நபரான ஜூனைத் மாரடைப்பால் உயிரிழந்ததற்கு சமூகவலைதளம் மூலமாக பலர் இரங்கல் தெரிவித்து வருகின்றனர்.