தமிழ் சினிமாவில் உள்ள பல முன்னணி நடிகர்களும், நடிகைகளும் புகழுக்காக தங்கள் ஒரிஜினல் பெயரை மாற்றி கொண்டு தான் அறிமுகம் ஆகிறார்கள். அதுவே அவர்களின் உண்மை பெயராக கடைசி வரை நிலைத்து விடுகிறது. அப்படி நம்முடைய பேவரிட் நட்சத்திரங்களின் உண்மை பெயர்களை தெரிந்து தான் கொள்வோமே!
சமந்தா
விண்ணைத்தாண்டி வருவாயா படத்தில் சிறப்பு தோற்றத்தின் மூலம் தமிழ் ரசிகர்களை கொள்ளை கொண்டவர் சமந்தா. இன்று தெலுங்கு திரையுலகின் வாரிசு குடும்பத்தின் நாக சைதன்யாவை திருமணம் செய்து கொண்டுள்ளார். இவரை நமக்கு சமந்தாவாக தெரிந்தாலும் உண்மையான பெயர் ரூத் பிரபு.
ஓவியா
தமிழ் திரையுலகில் நடிப்பின் மூலம் தான் நடிகைகள் ரசிகர்களை கவர்வார்கள். ஆனால் ஒரு ரியாலிட்டி ஷோ மூலம் இன்று ரசிகர் ஆர்மியே வைத்து இருப்பவர் ஓவியா. களவாணி படத்தின் மூலம் அறிமுகமானாலும் பிக்பாஸ் நிகழ்ச்சி தான் இவரை உச்சத்திற்கு அழைத்து சென்றது. இவரின் உண்மையான பெயர் ஹெலன் நெல்சன்.
நயன்தாரா
தமிழ் சினிமாவின் லேடி சூப்பர்ஸ்டார். தற்போதைய கோலிவுட்டில் நடிகைக்கு முக்கியத்துவம் உள்ள படங்களில் நடித்து வெற்றியும் கண்டு வருபவர் நயன்தாரா தான். தன் வாழ்வில் பல சர்ச்சைகளை சந்தித்தாலும், தளராமல் உயர செல்வதற்கு இவரின் விடாமுயற்சியே காரணமாக கூறப்படுகிறது. ஆசையாக நயன் என்று கூப்பிட்டாலும் இவரின் உண்மையான பெயர் டயானா மரியா குரியன்.
சிம்ரன்
தமிழில் விஐபி படத்தின் மூலம் அறிமுகமானவர் சிம்ரன். குச்சி இடுப்பை வைத்து கொண்டு அவர் நடித்தது அனைவரையும் கவர்ந்தது. விஜய், அஜித், சூர்யா என முன்னணி நடிகர்களுடன் ஒரு ரவுண்ட் வந்தவர் திருமணத்திற்கு பின்னர் சோபிக்காமலே போய் விட்டார். இவரின் உண்மையான பெயர் ரிஷி பாலா நவல்.
சந்தியா
காதல் படத்தின் மூலம் தமிழ் சினிமாவில் அறிமுகமானவர் சந்தியா. பல நட்சத்திரங்களுடன் நடித்தவருக்கு சரியான இடம் அமையவில்லை. இதற்கு அவரின் குழந்தைத்தனமான முகமே காரணம் என்று கூறப்படுகிறது. கோலிவுட்டில் காதல் சந்தியா என செல்லமாக அழைக்கப்படும் இவரின் உண்மையான பெயர் ரேவதி அஜித்.
சூர்யா
சிவக்குமாரின் மகன் என்ற அடையாளத்துடன் தமிழ் சினிமாவில் அறிமுகமான சூர்யா தற்போது கோலிவுட்டின் ஹாட் ஸ்டார். நடிப்பில் வித்தியாசம் காட்டி நடிக்கும் இவருக்கு ரசிகர்கள் ஏராளம். சூர்யா என்றால் இளைஞிகளுக்கு கொள்ளை பிரியம் என்றாலும், சரவணனே இவரின் உண்மையான பெயர் ஆகும்.
தனுஷ்
தமிழ்நாட்டு ப்ரூஸ்லீ என செல்லமாக அழைக்கப்படுபவர் தனுஷ். துள்ளவதோ இளமை படத்தின் மூலம் அறிமுகமானவருக்கு கிடைத்தது என்னவோ அவமானம் மட்டுமே. ஆனால் அதை எல்லாம் தவிடு பொடியாக்கிய இவர் தற்போது நடிப்பு மட்டுமல்லாமல் இயக்குனர், பாடகர் என பல அவதாரம் எடுத்து இருக்கிறார். தனுஷின் உண்மையான பெயர் வெங்கடேஷ் பிரபு.
விஷ்ணு
வெண்ணிலா கபடிக்குழு படத்தில் அறிமுகமானவர் விஷ்ணு. 11 படங்களில் மட்டுமே நடித்துள்ள விஷ்ணுவிற்கு கோலிவுட்டில் ஒரு தனி இடம் இருக்கத்தான் செய்கிறது. தற்போது, இடம் பொருள் ஏவல், ஜகஜால கில்லாடி, பிரபு சாலமன் இயக்கத்தில் ஒரு படம் என பிஸியாக இருக்கிறார். இவர் உண்மையான பெயர் விஷால் குடவ்லா.
விக்ரம்
விக்ரம் என்பதை விட சீயான் என்றால் ரசிகர்களுக்கு அத்துப்படி. ஒரு படம் தானே நடிக்கிறோம் என் இத்தனை ரிஸ்க் என்பது இல்லாமல் எல்லா படத்திற்கும் தன் முழு உழைப்பையும் கொட்டி நடிப்பதால் இவர் தமிழ் திரையுலகில் செம பேமஸ். 53 வயதை தாண்டினாலும் பிட்னெஸை விடாத விக்ரமிற்கு தமிழ் ரசிகர்கள் தான் அதிகம். இவரின் உண்மையான பெயர் ஜான் கென்னடி விக்டர்.

போலீஸ் வழக்கில் சிக்கிய நடிகர்கள்..

வட்டிக்கு கொடுக்கல்-வாங்கல் பிரச்சனையை சக தோழர் ஒருவருடன் ஏற்பட்ட தகராறில் போலீஸ் கேஸ் வரை சென்றார். எப்போது வேண்டுமானாலும் கைது செய்யப்படலாம் என்ற நிலைமையில் இருந்த சந்தானம், முன்ஜாமீன் பெற்ற கதை அனைவரும் அறிந்ததே,
ஜெய்
குடிபோதையில் கார் ஓட்டிய ஜெய், அடையாறு மேம்பாலத்தில் தன்னுடைய ஆடி காரை மோதினார். அவருடன் நடிகர் மற்றும் இசையமைப்பாளரான பிரேம்ஜியும் இருந்துள்ளார். ஆள் யாருக்கும் காயம் இல்லையென்றாலும், குடிபோதையில் வாகனம் ஓட்டியதால் பல்வேறு பிரிவுகளின் கீழ் வழக்குப் பதிவு செய்தனர். பின்னர் அபராதம் கட்டி தன்னுடைய மானத்தைக் காப்பாற்றிக் கொண்டார்.
அருண் விஜய்
ராதிகா சரத்குமாரின் மகள் ரெயானே திருமணத்தை முன்னிட்டு நுங்கம்பாக்கத்தில் நடந்த சரக்கு பார்ட்டியில் கலந்துகொண்டு திரும்பிய அருண் விஜய், போலீஸ் வாகனம் மீதே காரை மோதி வழக்கில் சிக்கினார். இதில் அருண் விஜய்க்கும், அவர் காருக்கும் எந்த சேதாரமும் ஏற்படவில்லை என்றாலும், போலீஸ் வாகனம் சேதமடைந்தது. இதைத் தொடர்ந்து அவர்மீது வழக்கு பதியப்பட்டது.
நடிகர் செந்தில்
கடந்த சில வருடங்களுக்கு முன்பு, தமிழக முதல்வர் எடப்பாடி பழனிச்சாமி அணியைச் சேர்ந்த திருச்சி எம்.பி. குமாரை, தனியார் தொலைக்காட்சி ஒன்றுக்கு அளித்த பேட்டியில் நடிகர் செந்தில் விமர்சித்தார். இதுதொடர்பாக குமார் அளித்த புகாரில், செந்தில் மீது வழக்கு பதியப்பட்டது. அவரைக் கைது செய்யவும் காவல்துறை ஆர்வம் காட்டியது. ஆனால், இந்த வழக்கை ரத்து செய்யக்கோரி மதுரை உயர்நீதிமன்றக் கிளையில் செந்தில் மனுத்தாக்கல் செய்தார். அவரைக் கைதுசெய்ய இடைக்காலத்தடை விதித்தது நீதிமன்றம்.
நடிகை மதுமிதா
‘தேனடை’யாக வந்து ரசிக்கவைத்த காமெடி நடிகை மதுமிதாவுக்கும், அவர் பக்கத்து வீட்டில் வசிக்கும் உஷாவுக்கும் இடையே அடிக்கடி தகராறு ஏற்பட்டுள்ளது. எனவே, கோயம்பேடு காவல் நிலையத்தில் புகார் அளித்துள்ளார் உஷா. இதுதொடர்பான விசாரணைக்கு காவல் நிலையம் வருமாறு மதுமிதாவிடம் போலீஸார் தெரிவிக்க, கோபமான அவர் உஷாவின் கையைப் பிடித்து கடித்துள்ளார். இதனையடுத்து இருவரும் ஒருவர் மீது ஒருவர் காவல் நிலையத்தில் புகார் அளித்தனர்.
நடிகை அஞ்சலி
அஞ்சலியை, சினிமாவுக்கு கொண்டு வந்தவர் அவருடைய சித்தியான பாரதி தேவி. ஒன்றாக இருந்த இருவருக்கும் இடையே கருத்து வேறுபாடு ஏற்பட்டு, ஒருகட்டத்தில் போலீஸ் கேஸானது. தற்போது இருவரும் தனித்தனியாக உள்ளனர். இந்த பிரச்சனையால் நடிகைஅஞ்சலி சினிமாவை விட்டு கிட்டத்தட்ட இரண்டு ஆண்டுகளுக்குமேல் ஒதுங்கி இருந்தார் என்பது குறிப்பிடத்தக்கது.
நடிகை திரிஷா முன்னாள் காதலர் வருண் மணியன்
சினிமா தயாரிப்பாளரும், த்ரிஷாவின் முன்னாள் காதலருமான வருண் மணியன், தன்னை யாரோ தாக்கியதாகப் போலீஸில் புகார் கொடுத்தார். விசாரணையில், எலெக்ட்ரீஷியன்கள் தனக்கு மரியாதை கொடுக்காததால் அவர்களை வருண் மணியன் தாக்கியதாகவும், பதிலுக்கு அவர்கள் வருண் மணியணைத் தாக்கியதாகவும் தெரிய வந்தது. இரு தரப்பும் மற்றொரு தரப்பு மீது புகார் அளித்துள்ளனர்.